Тараптар осы Келісімнің 3-бабында санамаланған демаркациялау туралы құжаттар мен бірлескен тексеру құжаттарының ережелеріне сәйкес шекара белгілері мен шекаралық орман жолдарын ұстауды жауапкершілікке алады. Тараптардың уәкілетті органдары жоғарыда көрсетілген жұмыстардың орындалуы жөніндегі міндеттері мынадай үлгіге бөлінеді: 1. Тараптардың уәкілетті органдары өз мемлекеттерінің аумағында орналасқан шекара белгілерін ұстайды. 2. Тікелей мемлекеттік шекара сызығында орналасқан шекара белгілерін ұстауды оларды орнату үшін жауапты Тараптардың уәкілетті органдары жүзеге асырады. 3. Тараптардың уәкілетті органдары өз мемлекеттерінің аумағында орналасқан шекаралық орман жолдарын дербес ұстайды және оларды тазарту жұмыстарын жүргізеді.