Тармақ 1. Мемлекеттердің шекара өкілдері мен олардың орынбасарлары өздерінің міндеттерін орындау үшін осы Келісімде белгіленген аккредитация құжаттары бойынша осы Келісімнің 8-қосымшасына сәйкес мемлекеттік шекарадан өтеді. 2. Мемлекеттердің шекара өкілдерінің көмекшілері, хатшылары, аудармашылары мен байланыс бойынша уәкілдері мемлекеттік шекара өкілдеріне берілген куәлік бойынша осы Келісімнің 9-қосымшасына сәйкес мемлекеттік шекарадан өтеді. 3. Қажетті жекелеген мәселелерді айқындау үшін сарапшылар мен өзге тұлғалар мемлекеттік шекара өкілі берген мемлекеттік шекарадан бір рет өту және қайту куәлігі бойынша осы Келісімнің 10-қосымшасына сәйкес мемлекеттік шекарадан өтеді. 4. Осы баптың 1 , 2 және 3-тармақтарында көрсетілген тұлғалар тек қана алдын-ала келісілген жерлерде шекарадан өтеді және 24 сағаттан кешіктірмей шекарадан әрбір өтудің нақты күні мен уақыты туралы екінші Тарап мемлекетінің шекаралық өкілдерін хабардар етеді.