Тармақ 1. Хат-хабарлар алмасу, шекара бұзушыларды, малдарды, үй құстарын, адамдар мен жануарлар мәйіттерін, мүліктерді қабылдау және тапсыру Тараптар мемлекеттерінің шекара өкілдерімен келісілген орындарда жүргізіледі. Байланыстың нақты нысаны Тараптар мемлекеттерінің шекара өкілдері арасындағы келісімдер жолымен айқындалады. 2. Шекараны бұзушылар мен адамдар мәйіттерін тапсыру мемлекеттің шекара өкілдерімен, олардың орынбасарлары немесе көмекшілерімен жеке жүргізіледі. Малдарды, үй құстарын, мүлік пен хат-хабарды тапсыруды мемлекеттердің шекара өкілдерінің тапсырмасы бойынша басқа да жауапты жұмысшылар жүргізуі мүмкін. 3. Мемлекеттердің шекара өкілдерінің, шекараны бұзушылардың хат-хабарын, малдар мен үй құстарын, адамдардың мәйіттері мен мүліктерін қабылдау-тапсыру актілерінің үлгілері осы Келісімнің 11 , 12 , 13 , 14 және 15-қосымшаларына сәйкес белгіленеді.