Тармақ 1. Тараптар шекараны демаркациялау туралы құжаттар күшіне енгеннен кейін он жылда бір рет мемлекеттік шекара сызығына бірлескен тексеру жүргізеді. 2. Тараптар әрбір бірлескен тексеру алдында дипломатиялық арналар бойынша тексерудің басталу мерзімін, оны жүргізу тәртібін және шеңберін келісуі тиіс. Сондай-ақ келісу жолымен тексеру мерзімінің өзгертілуі немесе шекараның жеке учаскесінде бірлескен тексеру жүргізілуі мүмкін. 3. Бірлескен тексеру жүргізу үшін Тараптар мемлекеттік шекара сызығын тексеру жөніндегі бірлескен комиссияны құрады. Жұмыстың міндеттерін, қағидаттарын, тәртібін, әдістерін, сондай-ақ бірлескен тексеруге байланысты басқа да мәселелерді осы комиссия белгілейді. 4. Тараптар бірлескен тексеру нәтижелері туралы осы Келісімнің 1-бабының 4-тармағында белгіленген құжаттарды жасайды.