Тармақ 1. Тараптардың уәкілетті органдары үш жылда бір рет ені 15 метрлік (мемлекеттік шекара сызығының екі жағы бойынша 7,5 м) шекараны демаркациялау туралы құжаттарда белгіленген шекаралық орман жолдарының жай-күйіне бірлескен тексеру жүргізеді. Бірлесіп тексеруді жүзеге асыру мерзімі Тараптардың уәкілетті органдарымен алдын ала келісіледі және белгіленеді. Бірлесіп тексерулер нәтижелері әрқайсысы қазақ, қытай және орыс тілдерінде екі данадағы хаттамамен ресімделеді. Қажет болған жағдайда, Тараптардың уәкілетті органдары орман жолдарын қадағалауға кедергі келтіретін ағаштардан, бұталар мен басқа да өсімдіктерден дербес немесе бірлесіп тазартуы мүмкін. Өз аумағында шекаралық орман жолдарын тазарту жөніндегі жұмыстарды жүргізу қажет болған жағдайда бір Тараптың уәкілетті органы жұмыс басталғанға дейін 10 күннен кешіктірмей, бұл туралы екінші Тараптың уәкілетті органын хабардар етеді. 2. Шекаралық орман жолдарын тазарту үшін Тараптардың мемлекеттеріне залал келтіруі мүмкін отты, химиялық препараттарды және өзге де тәсілдерді қолдануға тыйым салынады. 3. Тараптардың өзге келісімдерінде ескерілгендерден басқа шекаралық орман жолдарында жер жырту, жер қазу жұмыстарын, құрылыс салу және өзге де шаруашылық қызметін жүзеге асыруға тыйым салынады.