Тармақ 1. Тараптар мемлекеттерінің азаматтары мемлекеттік шекараның сызығына дейін шекаралық сулардың өз жағында балық аулауды жүзеге асыруы мүмкін. Жарылғыш, химиялық заттарды және электртоқты, балықтарды және шекаралық сулардағы басқа да биологиялық ресурстарды жаппай қырып-жоюдың басқа да тәсілдерін қолдануға тыйым салынады. Тараптардың уәкілетті органдары шекаралық суларда балық және басқа да биологиялық ресурстарды заңсыз аулаудың жолын кесу жөніндегі шараларды бірлесіп немесе дербес қабылдайды. 2. Ғылыми-зерттеу мақсатында аулауды қоспағанда, Тараптар мемлекеттерінің ұлттық заңнамаларында белгіленген мерзімде және жерлерде балық және басқа да биологиялық ресурстарды аулауға тыйым салынады. 3. Тараптардың уәкілетті органдары трансшекаралық сулардың балық және басқа да биологиялық ресурстарын күзету, өсімін молайту және пайдалану мәселелерін қажет болған кезде жеке Келісімге сәйкес шешеді.