Тармақ 1. Одақтың тауарлары болып табылатын жеке пайдалануға арналған тауарларды жеке тұлғалардың уақытша әкетуі Одақтың кедендік аумағынан тысқары жерлерде уақытша болу кезеңінде рұқсат етіледі.
Тармақ 2. Егер жеке пайдалану үшін уақытша әкетілетін тауарларды идентификаттау оларды кедендік әкелу баждарын, салықтар төлемей Одақтың кедендік аумағына қайта әкелуге жағдай жасайтын болса, жеке тұлғаның өтініші бойынша кеден органы осындай тауарларды идентификаттауды жүргізеді. Жеке пайдалануға арналған тауарларды идентификаттау туралы жолаушылар кедендік декларациясында көрсетіледі, оның 1 данасы Одақтың кедендік аумағынан осындай тауарлардың уақытша әкетілуін жүзеге асыратын жеке тұлғаға беріледі.
Тармақ 3. Уақытша әкетілген жеке пайдалануға арналған көлік құралдарына техникалық қызмет көрсету немесе жөндеу бойынша операциялар жүргізуге осындай жеке пайдалануға арналған көлік құралдары Одақтың кедендік аумағынан тысқары жерлерде болған кезде қажет болғанда рұқсат етіледі.