Тармақ 1. Одақтың кедендік аумағына әкелінетін жеке пайдалануға арналған тауарларға қатысты бірыңғай мөлшерлеме бойынша өндіріп алынатын кедендік баждар, салықтар не осы бапта осындай жеке пайдалануға арналған тауарларға қатысты кедендік баждар, салықтар қолданудың өзгеше тәртібі белгіленген жағдайларды қоспағанда, жиынтық кедендік төлем түрінде өндіріліп алынатын кедендік баждар, салықтар төленуге жатады.
Тармақ 2. Жеке пайдалануға арналған тауарлардың санаттарына байланысты кедендік баждардың, салықтардың бірыңғай мөлшерлемесін, Одақтың кедендік аумағына жеке пайдалануға арналған тауарларды әкелудің құндылық, салмақтық және (немесе) сандық нормалары мен әдістерін, сондай-ақ оларға қатысты жиынтық кедендік төлем түрінде өндіріліп алынатын кедендік баждарды, салықтарды төлеуге жататын жеке пайдалануға арналған тауарлардың санаттарын Комиссия айқындайды.
Тармақ 3. Кедендік баждарды, салықтарды төлемей, жеке пайдалануға арналған тауарлар Одақтың кедендік аумағына Комиссия айқындайтын құндылық, салмақтық және (немесе) сандық нормалары шегінде, ал Комиссия айқындайтын жағдайларда - осы бапта Одақтың кедендік аумағына әкелінетін жеке пайдалануға арналған тауарларға қатысты кедендік баждар, салықтарды қолданудың өзгеше тәртібі белгіленген жағдайларды қоспағанда, мүше мемлекеттердің заңнамасында белгіленетін тиісті нормалар шегінде әкелінеді.
Тармақ 4. Жеке пайдалануға арналған тауарлар олардың құнына, салмағына және (немесе) санына қарамастан, Одақтың кедендік аумағынан кедендік баждарды төлемей шығарылады.
Тармақ 5. Одақтың кедендік аумағына әкелінетін мүше мемлекеттерде тіркелген жеке пайдалануға арналған тауарлар, Одақтың кедендік аумағынан оларды уақытша әкеткеннен кейін, табиғи тозу салдарынан өзгерген, сондай-ақ қалыпты тасу (тасымалдау) және (немесе) сақтау жағдайларында табиғи кему салдарынан өзгергенін қоспағанда, оларды өзгермеген жағдайында сақтау және Одақтың кедендік аумағынан кедендік баждарды, салықтарды төлемей уақытша әкетілгеннен кейін қайта Одақтың кедендік аумағына осы Кодекстің 265-бабының 2-тармағына сәйкес белгіленген тәртіпте әкелінетінін кеден органы растаған жағдайда құнына, салмағына және (немесе) санына қарамастан әкелінеді.
Тармақ 6. Тізбесі мен санын Комиссия айқындайтын бұрын қолданыста болған жеке пайдалануға арналған тауарларды шетелдік жеке тұлғалар Одақтың кедендік аумағына осындай тауарлардың құнына және (немесе) салмағына қарамастан өздері Одақтың кедендік аумағында болу кезеңінде кедендік баждарды, салықтарды төлемей әкелуі мүмкін.
Тармақ 7. Одаққа мүше болып табылмайтын мемлекетте тіркелген жеке пайдалануға арналған көлік құралдарын шетелдік жеке тұлғалар және мүше мемлекеттердің жеке тұлғалары кедендік баждарды, салықтарды төлемей 1 жылдан аспайтын мерзімге әкелуі мүмкін.
Тармақ 8. Комиссия жеке пайдалануға арналған тауарлар санаттарына, Одақтың кедендік аумағына осындай тауарларды әкелетін тұлғаларға, және (немесе) Одақтың кедендік аумағына осындай жеке пайдалануға арналған тауарларды әкелу тәсілдеріне қарамастан, Одақтың кедендік аумағына кедендік баждарды, салықтарды төлеуден босатыла отырып жеке пайдалануға арналған тауарларды әкелу жағдайлары мен шарттарын, сондай-ақ осындай жеке пайдалануға арналған тауарларды пайдалану және (немесе) билік ету бойынша шектеулерді анықтауға құқылы.
Тармақ 9. Жеке пайдалануға арналған тауарларға қатысты кедендік алымдар осы Кодекстің 47-бабына сәйкес қолданылады.
Тармақ 10. Кедендік транзит кедендік рәсімімен орналастырылатын жеке пайдалануға арналған тауарларға қатысты кедендік баждарды, салықтарды қолдану тәртібі, осындай тауарларға қатысты кедендік баждарды, салықтарды төлеу бойынша міндеттердің туындауы мен тоқтатылуы, сондай-ақ оларды төлеу мерзімі осы Кодекстің 22-тарауына сәйкес айқындалады.
Тармақ 11. Жеке пайдалануға арналған тауарлар бірыңғай мөлшерлемелерне жиынтық кедендік төлем түрінде өндіріліп алынатын кедендік баждар, салықтар бойынша өндірілетін кедендік баждарды, салықтарды салу нысаны болып табылады.
Тармақ 12. Бірыңғай мөлшерлемелер бойынша өндірілетін кедендік баждарды, салықтарды есептеу мақсаттары үшін жеке пайдалануға арналған тауарлардың санатына және қолданылатын мөлшерлемелер түрлеріне байланысты оларды есептеу базасы болып жеке пайдалануға арналған тауарлар құны және (немесе) олардың табиғи сипаттағы физикалық сипаттамалары (саны, соның ішінде бөлшектеп сату үшін ұсынылатын тауар және (немесе) оны тұтынуға дейінгі тауардың бастапқы орамасын есепке ала отырып салмағы, көлемі немесе тауардың өзге де сипаттамалары) болып табылады.
Тармақ 13. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды есептеу, кеден органына жолаушыларға арналған кедендік декларация берілген мүше мемлекеттің валютасында жүзеге асырылады.
Тармақ 14. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды есептеу мақсаттары үшін егер осы Кодексте өзгеше белгіленбесе, жолаушылар кедендік декларациясы кеден органында тіркелген күніне қолданылатын мөлшерлемелер қолданылады.
Тармақ 15. Кедендік баждардың, салықтардың бірыңғай мөлшерлемелерін қолдану арқылы төлеуге және (немесе) өндіріп алуға жататын кедендік баждардың, салықтардың сомасы кедендік баждарды, салықтарды есептеу базасын және кедендік баждардың, салықтардың тиісті бірыңғай мөлшерлемесін қолдану арқылы анықталады.
Тармақ 16. Жиынтық кедендік төлем түрінде өндіріп алынатын кедендік баждарды, салықтарды төлеуге және (немесе) өндіріп алуға жататын сомасы есептелген кедендік баждардың сомасы мен есептелген салықтардың сомасын қосу арқылы анықталады. Жиынтық кедендік төлем түрінде өндіріп алынатын кедендік баждардың, салықтардың сомасын есептеу мынадай тәсілдермен:
Тармақ 17. Декларант немесе кедендік баждарды, салықтарды төлеу бойынша міндет туындаған өзге де тұлғалар жеке пайдалануға арналған тауарларға қатысты кедендік баждардың, салықтардың төлеушісі болып табылады.
Тармақ 18. Жеке пайдалануға арналған тауарларға қатысты кедендік баждарды, салықтарды есептеу мақсаты үшін шетелдік валютаны қайта есептеу тәртібі, оларды төлеу бойынша міндеттерді орындау сәті (төлем күні), кедендік баждар, салықтар сомасы мен өзге де ақша қаражатын (ақша) қайтару тәртібі осы Кодекстің 7 - 10-тарауларына сәйкес айқындалады.
Тармақ 19. Бірыңғай мөлшерлемелер бойынша өндірілетін кедендік баждар, салықтар не жиынтық кедендік төлем түрінде өндірілетін кедендік баждар, салықтар осы тармақтың екінші абзацын ескере отырып осы Кодекстің 61-бабының 1 - 3-тармақтарына сәйкес төленуге жатады.
Тармақ 20. Бірыңғай мөлшерлемелер бойынша өндірілетін кедендік баждар, салықтар не жиынтық кедендік төлемдер түрінде өндірілетін кедендік баждар, салықтар осы баптың 19-тармағына сәйкес осындай кедендік төлемдер төленуге жататын мүше мемлекеттің заңнамасына сәйкес анықталған шотқа төленеді.
Тармақ 21. Бірыңғай мөлшерлемелер бойынша өндірілетін кедендік баждар, салықтар не жиынтық кедендік төлемдер түрінде өндірілетін кедендік баждар, салықтар осы тармақтың екінші абзацымен белгіленген жағдайды қоспағанда, осы баптың 19-тармағына сәйкес кедендік баждар, салықтар төленуге жататын мүше мемлекеттің валютасында төленеді.
Тармақ 22. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды төлеу мүше мемлекеттердің заңнамасына сәйкес қолма-қол ақшасыз тәртіпте не қолма-қол ақша қаражатында (ақшада) жүзеге асырылады.
Тармақ 23. Бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды төлеу кезінде осы Кодекстің 46-бабының 1-тармағының 1 - 4-тармақшаларында көрсетілген кедендік баждар төленбейді.
Тармақ 24. Кедендік декларациялау осы тарауға сәйкес жүгізілетін тауарларға қатысты бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды жеке тұлғалар кедендік кіріс ордері негізінде не Комиссия айқындайтын өзге де кедендік құжат негізінде төлейді.
Тармақ 25. Жеке пайдалануға арналған тауарларға қатысты кедендік төлемдерді осындай тауарларды шығаруды жүргізетін кеден органы кедендік декларациялау кезінде декларант мәлімдеген мәліметтер негізінде, сондай-ақ кедендік бақылауды жүргізу нәтижелері бойынша есептейді.
Тармақ 26. Осы Кодекстің 268-бабының 6, 7 және 15-тармақтарында көрсетілген мән-жайлар басталған кезде, бірыңғай мөлшерлемелер бойынша өндірілетін кедендік баждарды, салықтарды не жиынтық кедендік төлем түрінде өндірілетін кедендік баждарды, салықтарды кеден органы бірыңғай мөлшерлемелер бойынша өндірілетін кедендік баждар, салықтар не жиынтық кедендік төлем түрінде өндірілетін кедендік баждар, салықтар есебінде есептейді.