Тармақ 1. Одақтың кедендік аумағына әкелу кезінде керек-жарақтарды кедендік декларациялауға және шығаруға байланысты кедендік операциялар келу орындарында не халықаралық тасымалдауды аяқтау орындарында жасалады.
Тармақ 2. Одақтың кедендік аумағына әкелу кезінде керек-жарақтарды кедендік декларациялауға және шығаруға байланысты кедендік операциялар халықаралық тасымалдау басталған орындарда не кету орындарында жасалады.
Тармақ 3. Одақтың кедендік аумағына келген және Одақтың мұндай кедендік аумағынан кететін (су немесе әуе кемелері бортында не поезда) халықаралық тасымалдаудың көлік құралдарындағы керек-жарақтарды кедендік декларациялау, көлік құралына арналған декларацияны пайдалана отырып, халықаралық тасымалдаудың көлік құралын кедендік декларациялаумен қатар бір уақытта жүзеге асырылуы мүмкін.
Тармақ 4. Одақтың кедендік аумағына келген немесе Одақтың кедендік аумағынан кететін әуе және су кемелерінің бортына немесе поездарға түсірілетін, тиелетін, қайта тиелетін керек-жарақтарды кедендік декларациялау тауарларға арналған декларацияны пайдалана отырып жүзеге асырылады.
Тармақ 5. Керек-жарақтар ретінде кеден қоймасына және бажсыз сауда кедендік рәсімдерімен орналастырылған тауарларды кедендік декларациялау тауарларға арналған декларацияны пайдалана отырып жүзеге асырылады.
Тармақ 6. Керек-жарақтарға қатысты кедендік операциялар тіркелу еліне немесе су, әуе кемелерінің немесе поездардың ұлттық тиесілігіне қарамастан, бірдей жасалады.
Тармақ 7. Комиссия кедендік декларациялау және керек-жарақтарға қатысты өзге де кедендік операцияларды жасау ерекшеліктерін айқындауға құқылы.