Тармақ 1. Жолаушылардың және су кемелерінің экипаж мүшелерінің тұтынуына және (немесе) пайдалануына арналған керек-жарақтар және (немесе) осы кемелерді қалыпты пайдалануды және техникалық қызмет көрсетуді қамтамасыз ету үшін қажетті керек-жарақтар, жолаушылардың экипаж мүшелерінің санына және (немесе) аялдау ұзақтығына тиісті мөлшерде олардың Одақтың кедендік аумағында болуы, оның ішінде су кемелерін докта, верфьте немесе кеме жөндеу зауытында жөндеу уақытында осы кемелерде тұтынылуы және пайдаланылуы мүмкін.
Тармақ 2. Әуе кемелерінің Одақтың кедендік аумағында орналасқан бір әуежайға немесе бірнеше әуежайға қонуы кезінде осы кемелерді қалыпты пайдалануды және техникалық қызмет көрсетуді қамтамасыз етуге арналған керек-жарақтар және әуе кемелерінің қону пункттерінде болуы кезінде және олардың арасында ұшу кезінде экипаж мүшелерінің және жолаушылардың тұтынуына және пайдалануына арналған керек-жарақтар әуе кемелерінің қону пункттерінде болуы кезінде және олардың арасында ұшу кезінде пайдаланылуы мүмкін.
Тармақ 3. Поездар жолаушыларының және поезд бригадалары жұмыскерлерінің тұтынуына және пайдалануына арналған керек-жарақтар және осы поездарды қалыпты пайдалану және оларға техникалық қызмет көрсету үшін қажетті керек-жарақтар осы поездардың жүру жолында немесе аралық тоқтау не Одақтың кедендік аумағында түру пункттерінде жолаушылардың және поезд бригадалары жұмыскерлерінің санына, сондай-ақ тұру ұзақтығына және жолда болу уақытына сәйкес мөлшерде тұтынылуы және пайдаланылуы мүмкін.
Тармақ 4. Тасымалдаушы су кемелерінің, әуе кемелерінің немесе поездардың Одақтың кедендік аумағында болған уақытында осы бапқа сәйкес керек-жарақтарды пайдалану үшін қажетті шараларды қабылдауға міндетті. Кеден органының шешімі бойынша керек-жарақтар сақталатын орын кедендік пломбалар мен мөрлер қойылып, мөрленуі мүмкін.
Тармақ 5. Су, әуе кемелерінің борттарындағы немесе поездардағы керек-жарақтар кеден органдарының рұқсатымен осы тарауда көзделген шарттар сақталған кезде жүктердің, жолаушылардың және (немесе) багаждың халықаралық тасымалын жүзеге асыратын басқа су және әуе кемелеріне немесе басқа да поездарға уақытша түсірілуі, берілуі мүмкін.
Тармақ 6. Одақтың кедендік аумағында су және әуе кемелерінен, пойыздардан түсірілген керек-жарақтар, оларды жүктердің, жолаушылардың және (немесе) багаждың халықаралық тасымалын жүзеге асыратын басқа су және әуе кемелеріне немесе басқа да поездарға тиегенге дейін жүктердің, жолаушылардың және (немесе) багаждың халықаралық тасымалын жүзеге асыратын басқа су және әуе кемелеріне немесе басқа да поездарға оларды түсіруге, беруге рұқсат берген кеден органы қызметінің өңірінде орналасқан кедендік бақылау аймағында орналастыруға жатады.
Тармақ 7. Мүше мемлекеттердің заңнамасында керек-жарақтар ретінде шығарылған және поездарда Одақтың кедендік аумағынан әкетілетін бажсыз сауданың кедендік рәсімімен орналастырылған шетелдік тауарларды пайдалану тәртібі мен шарттары белгіленуі мүмкін.
Тармақ 8. Керек-жарақтар ретінде шығарылған, Одақтың кедендік аумағынан әкетілетін, осы Кодекстің 281-бабының 5 және 6-тармақтарында көрсетілген тауарлардың декларанты мұндай тауарлардың әуе және (немесе) су кемелерінің бортына, мұндай тауарларды қалыпты өткізу (тасымалдау) және сақтау жағдайында тауарлардың табиғи тозуы немесе кемуі не табиғи қасиеттерінің өзгеруі салдарынан өзгерген саны мен (немесе) жай-күйін қоспағанда, керек-жарақтар ретінде оларды шығару сәтіндегі мөлшерде және жай-күйде тиелуін қамтамасыз етуге міндетті.
Тармақ 9. Керек-жарақтар ретінде шығарылған шетелдік тауарлар осы Кодексте көзделген кедендік рәсімдермен орналастырылған жағдайда, осы тарауда көзделмеген мақсаттарда Одақтың кедендік аумағында пайдаланылуы мүмкін.