Тармақ 1. Жеке кедендік тексеріп қарау - жеке тұлғалардың тексеріп қарауын жүргізуді білдіретін кедендік бақылау нысаны.
Тармақ 2. Жеке кедендік тексеріп қарау Одақтың кедендік шекарасы арқылы өтетін және кедендік бақылау аймағындағы немесе халықаралық әуежайдың транзит аймағындағы жеке тұлғалар кедендік реттеу саласындағы халықаралық шарттарды және актілерді, мүше мемлекеттердің заңнамасын бұза отырып, Одақтың кедендік шекарасы арқылы өткізілетін тауарларды өзінде жасырып және ерікті түрде бермей тұр деп ойлауға жеткілікті негіздер болған кезде, сол жеке тұлғаларға қатысты ғана жүргізілуі мүмкін.
Тармақ 3. Жеке кедендік тексеріп қарау осы баптың 2-тармағында көрсетілген жеке тұлғаларда кедендік реттеу саласындағы халықаралық шарттарды және актілерді, мүше мемлекеттердің заңнамасын бұза отырып Одақтың кедендік шекарасы арқылы өткізілетін өзінде жасырып тұрған тауарларды анықтау мақсатында жүргізіледі және кедендік бақылаудың ерекше нысаны болып табылады.
Тармақ 4. Жеке кедендік тексеріп қарау кеден органы басшысының (бастығының), ол уәкілетті еткен кеден органы басшысы орынбасарының (бастық орынбасарының) не оларды алмастыратын тұлғалардың шешімі бойынша, ал егер бұл мүше мемлекеттердің кедендік реттеу туралы заңнамасында көзделсе, - кедендік бақылау жүргізуге уәкілетті кеден органы бөлімшесі басшысының (бастығының), ол уәкілетті еткен кеден органы бөлімшесі басшысы орынбасарының (бастық орынбасарының) не оларды алмастыратын тұлғалардың шешімі бойынша жүргізіледі.
Тармақ 5. Жеке кедендік тексеріп қарауды тексеріліп қаралатын адаммен бір жыныстағы кеден органының лауазымды тұлғалары сол жыныстағы екі куәгердің қатысуымен санитарлық-гигиеналық талаптарға сай келетін оқшауланған үй-жайда жүргізеді. Бұл үй-жайға осы бапта көрсетілген тұлғалардан басқа жеке тұлғалардың кіруіне, және басқа жеке тұлғалардың жеке кедендік тексеріп қараудың жүргізілуін қадағалау мүмкіндігіне жол берілмеуге тиіс.
Тармақ 6. Жеке кедендік тексеріп қарау басталар алдында кеден органының лауазымды тұлғасы жеке тұлғаны жеке тексеріп қарауды жүргізу туралы шешіммен, мұндай жеке тексеріп қарауды жүргізу кезіндегі оның құқықтарымен таныстыруға, сондай-ақ оған кедендік реттеу саласындағы халықаралық шарттарды және актілерді, мүше мемлекеттердің заңнамасын бұза отырып, Одақтың кедендік шекарасы арқылы өткізілетін тауарларды өз еркімен беруіне ұсынуға міндетті.
Тармақ 7. Жеке кедендік тексеріп қарауды жүргізу кезінде кеден органы лауазымды тұлғасының әрекеті өзіне қатысты жеке кедендік қарап тексеру жүрігізіліп отырған жеке тұлғаның ар-намысы мен абыройына нұқсан келтірмеуге және осы жеке тұлғаның денсаулығына зиян және мүлкіне залал келтірмеуге тиіс.
Тармақ 8. Өзіне қатысты жеке кедендік тексеріп қарау жүргізіліп отырған жеке тұлғаның:
Тармақ 9. Жеке кедендік тексеріп қарау жүргізу барысында жеке тексеріліп қаралатын жеке тұлға және оның заңды өкілі жеке кедендік тексеріп қарау жүргізетін кеден органының лауазымды тұлғасының заңды талаптарын орындауға міндетті.
Тармақ 10. Жеке кедендік тексеріп қарауды жүргізу нәтижелері жеке кедендік тексеріп қарау актісін жасау арқылы ресімделеді, оның нысанын Комиссия айқындайды.
Тармақ 11. Жеке кедендік тексеріп қарау актісіне жеке кедендік тексеріп қарауды жүргізген кеден органының лауазымды тұлғасы, өзіне қатысты жеке кедендік тексеріп қарау жүргізілген жеке тұлға немесе оның заңды өкілі немесе оны алып жүрген адам, куәгерлер, ал өзіне қатысты жеке кедендік тексеріп қарау жүргізілген жеке тұлғаның денесіне тексеріп зерттеу жүргізілген кезде - медициналық қызметкер де қолдарын қояды.
Тармақ 12. Жеке кедендік тексеріп қарау актісі 2 данада жасалады, олардың біреуі өзіне қатысты жеке кедендік тексеріп қарау жүргізілген жеке тұлғаға, оның заңды өкіліне немесе оны алып жүрген адамға, куәгерлерге ол жасалғаннан кейін дереу табыс етіледі.