Бап 377 О ратификации Договора о Таможенном кодексе Евразийского экономического союза. Кеден органдарының тәуекелдерді басқару процесін ұйымдастыруы
Тармақ 1. Кеден органдарының тәуекелдерді басқару процесі өзіне:
1) кедендік бақылау объектілері, жасалған кедендік операциялар және тауарлар шығарылғанға дейін және шығарылғаннан кейін жүргізілген кедендік бақылау нәтижелері туралы ақпаратты жинауды және өңдеуді;
2) тәуекелді бағалауды;
3) тәуекел индикаторының сипаттамасын;
4) тәуекелдерді азайту бойынша шараларды және осындай шараларды қолдану тәртібін айқындауды;
5) тәуекелдер бейіндерін әзірлеуді және бекітуді;
6) кедендік бақылау объектілерін таңдауды;
7) тәуекелдерді азайту бойынша шараларды қолдануды;
8) тәуекелдерді азайту бойынша шараларды қолдану нәтижелерін талдауды және бақылауды қамтиды.
Тармақ 2. Тәуекелдерді азайту бойынша шараларды саралап қолдану мақсатында кеден органдары кедендік операцияларды жасайтын тұлғаларды төменгі, орташа немесе жоғары тәуекел деңгейі санаттарына жатқызу арқылы санаттауды жүзеге асыруы мүмкін.
Тармақ 3. Тәуекелдерді басқару процесін іске асыру кезінде кеден органдары ақпараттық жүйелерді және ақпараттық технологияларды басым пайдаланады.
Тармақ 4. Кеден органдарының тәуекелдерді басқару процесін іске асыруы мүше мемлекеттердің кедендік реттеу саласындағы заңнамасына сәйкес жүзеге асырылады.
Тармақ 5. Тәуекелдер бейіндері және индикаторларында қамтылған ақпарат құпия болып табылады және мүше мемлекеттердің заңнамасында белгіленген жағдайларды қоспағанда, таратылуға жатпайды.
Тармақ 6. Комиссия кеден органдарына тәуекел бейінін бекіту және тәуекелдерді азайту бойынша шараларды қолдану ұсынылатын тәуекелдер саласын айқындауға құқылы.