Тармақ 1. Кеден органдары кедендік бақылау объектілерін және тәуекелдерді басқару бойынша шараларды таңдау үшін тәуекелдерді басқару жүйесін пайдаланады.
Тармақ 2. Кеден органдары тауарлардың кедендік бақылауда болу кезеңінде және осы Кодекстің 310-бабы 7-тармағының үшінші және төртінші абзацтарында белгіленген мерзімде кедендік бақылау жүргізу үшін, сондай-ақ осы Кодекстің 310-бабының 8-тармағына сәйкес кедендік бақылауды жүргізу үшін тәуекелдерді басқару жүйесін пайдаланады.
Тармақ 3. Кеден органдарының тәуекелдерді басқару жүйесін пайдалануының негізгі мақсаттары:
Тармақ 4. Мүше мемлекеттердің заңнамасында кеден органдарының тәуекелдерді басқару жүйелерін, оның ішінде кеден органдарына жүктелген міндеттерді және функцияларды негізге ала отырып қолданудың қосымша мақсаттарын белгіленуі мүмкін.
Тармақ 5. Кеден органдары өздеріне Одақтың құқықтарын құрайтын халықаралық шарттарда және актілерде және (немесе) мүше мемлекеттердің заңнамасында жүктелген мемлекеттік бақылаудың (қадағалаудың) өзге де түрлерін жүргізу кезінде тәуекелдерді басқару жүйелерін пайдалана алады.
Тармақ 6. Кеден органдарының тәуекелдерді басқару жүйелерін қолдану стратегиясы мен тактикасы, сондай-ақ оның жұмыс істеу тәртібі мүше мемлекеттердің кедендік реттеу туралы заңнамасында белгіленеді.