Тармақ 1. Бұрын зерттелген тауарларға, кедендік, көліктік (тасымалдау), коммерциялық және өзге де құжаттарға, идентификаттау құралдарына қатысты жаңа мәселелер туындаған кезде кеден органдары қосымша кедендік сараптама тағайындауы мүмкін.
Тармақ 2. Декларант кедендік, оның ішінде қосымша сараптама нәтижелерімен келіспеген жағдайда кеден органы қайталама кедендік сараптама тағайындауы мүмкін.
Тармақ 3. Қосымша және қайталама кедендік сараптамаларды жүргізу кезінде кедендік сарапшыға (сарапшыға) міндетті түрде бұрын жүргізілген кедендік сараптаманың нәтижелері ұсынылады.