Тармақ 1. Кеден органдарының лауазымды адамдары кедендік сараптаманы жүргізу үшін тауарлардың сынамаларын және (немесе) үлгілерін іріктеп алады.
Тармақ 2. Тауарлардың сынамаларын және (немесе) үлгілерін іріктеудің арнайы білімдерін пайдалану және техникалық құралдарды қолдану қажет болған кезде кедендік сарапшының (сарапшының) қатысуымен жүргізілуі мүмкін.
Тармақ 3. Мүше мемлекеттердің заңнамасында белгіленген тәртіппен тауарлардың сынамалары және (немесе) үлгілері олардың зерттеу мүмкіндігін қамтамасыз ететін аз мөлшерде іріктеп алынады.
Тармақ 4. Тауарлардың сынамаларына және (немесе) үлгілеріне іріктеу жүргізу нәтижелері бойынша тауарлардың сынамаларын және (немесе) үлгілерін іріктеу актісі жасалады, оның нысанын Комиссия айқындайды.
Тармақ 5. Кеден органдарының лауазымды адамдары тауарлардың сынамаларын және (немесе) үлгілерін іріктеуді декларанттың қатысуымен, ол болмаған жағдайда, егер бұл белгіленсе, тауарларға қатысты өкілеттіктерге ие өзге де тұлғаның қатысуымен, ал халықаралық пошта жөнелтілімдерінде өткізілетін тауарлардың сынамаларын және (немесе) үлгілерін іріктеу кезінде тағайындалған пошта байланысы операторы өкілінің қатысуымен іріктеп алады.
Тармақ 6. Тауарлардың сынамаларын және (немесе) үлгілерін декларант немесе тауарларға қатысты өкілеттіктерге ие өзге де тұлға болмаған кезде, осы Кодекстің 328-бабы 6-тармағының 1, 2 және 4-тармақшаларында көзделген жағдайда, 2 куәгердің қатысуымен, ал осы Кодекстің 328-бабы 6-тармағының 3-тармақшасында көрсетілген жағдайда, тағайындалған пошта байланысы операторы өкілінің, ал ол болмаған кезде, 2 куәгердің қатысуымен іріктеп алынады.
Тармақ 7. Кеден органы декларантта немесе тауарларға қатысты өкілеттіктерге ие өзге де тұлғада тауарлардың сынамаларын және (немесе) үлгілерін іріктеп алу нәтижесінде туындаған шығыстарды өтемейді.
Тармақ 8. Мүше мемлекеттердің заңнамасына сәйкес тауарлардың сынамалары және (немесе) үлгілері көмілуге, жойылуға немесе кәдеге жаратылуға жататын жағдайларды қоспағанда, кедендік сараптама аяқталғаннан кейін оны жүргізу барысында жұмсалмаған тауарлардың сынамаларын және (немесе) үлгілерін кедендік сараптаманы тағайындаған кеден органы декларантқа немесе тауарларға қатысты өкілеттіктерге ие өзге де тұлғаға ал халықаралық пошта жөнелтілімдерінде өткізілетін тауарлардың сынамаларын және (немесе) үлгілерін іріктеу кезінде тағайындалған пошта байланысы операторына қайтарады.
Тармақ 9. Декларант немесе тауарларға қатысты өкілеттіктерге ие өзге де тұлға алмаған тауарлардың сынамалары және (немесе) үлгілері, олар көрсетілген ақпаратты алған күннен бастап 15 жұмыс күні ішінде осы Кодекстің 51-тарауына сәйкес кеден органдарында ұсталады.
Тармақ 10. Кедендік, көліктік (тасымалдау), коммерциялық және өзге де құжаттарға, идентификаттау құралдарына қатысты кедендік сараптаманы жүргізу үшін мұндай құжаттар мен идентификаттау құралдарын кеден органдары мүше мемлекеттің заңнамасында белгіленген тәртіппен алып қояды. Кедендік, көліктік (тасымалдау), коммерциялық және өзге де құжаттарды, идентификаттау құралдарын алып қою туралы нысаны мүше мемлекеттердің заңнамасында айқындалатын құжаттарды, идентификаттау құралдарын алып қою туралы акт толтырылады.
Тармақ 11. Кедендік сараптама аяқталғаннан кейін кедендік, көліктік (тасымалдау), коммерциялық және өзге де құжаттарды кедендік сараптаманы тағайындаған кеден органы мұндай құжаттар алып қойылған тұлғаға қайтарады.