Тармақ 1. 2001 жылғы 1 қаңтардан бастап 2002 жылғы 31 желтоқсанды қоса алғанда өтеуге жатқан кредиттің реттелетін сомасы бойынша негізгі борыштың сомасы осы Келісімге сәйкес 10192035,98 АҚШ долларын (бұдан әрі - шоғырландырылатын сома) құрайды.
Тармақ 2. Грузия тарапы кредиттің шоғырландырылатын сомасы бойынша негізгі борыш сомасын 2017 жылдан бастап 2021 жылды қоса алғандағы кезеңде 2001 жылғы 6 наурыздағы келісілген хаттамаға сәйкес сараланған өтеу кестесінде негізделген осы Келісімге 1-қосымшаға сәйкес жартыжылдықтар бойынша өтеуге міндеттенеді.
Тармақ 3. Грузия тарапы 2001 жылдан бастап 2016 жылды қоса алғанда көзделген кредиттің шоғырландырылатын сомасы бойынша негізгі борыш сомасын өтеуге төлемдерді 2017 жылдан бастап 2021 жылды қоса алғанда тоқсан сайынғы үлестермен жүзеге асыратын болады.
Тармақ 4. 2017 - 2021 жылдардағы кредиттің шоғырландырылатын сомасы бойынша негізгі борыш сомасын өтеуге төлемдер тиісті жылдың 30 маусымына және 30 желтоқсанына дейін жүзеге асырылады. Қазақстан тарапының орталық банкінің шотына сома түскен күн төлем күні болып саналады.
Тармақ 5. Тараптар осы баптың 3 және 4-тармақтарында көрсетілген мерзімдерде жүргізілмеген кредиттің шоғырландырылатын сомасының негізгі борыш сомасы бойынша төлемдерді мерзімі өткен төлемдер деп санауға уағдаласты.