Тармақ 1. Грузия тарапы кредиттің шоғырландырылатын сомасына сыйақылар сомасын 2017 жылдан бастап 2021 жылды қоса алғандағы кезеңде осы Келісімге 1-қосымшаға сәйкес жартыжылдық негізде өтеуге міндеттенеді.
Тармақ 2. Грузия тарапы 2001 - 2016 жылдардағы кредиттің шоғырландырылатын сомасына сыйақылар сомасын өтеуге төлемдерді 2017 жылдан бастап 2021 жылды қоса алғанда тоқсан сайынғы үлестермен жүзеге асырады.
Тармақ 3. Сыйақы сомасын есептеу үшін кредиттің шоғырландырылатын сомасына жылдық 4 % (төрт пайыз) мөлшерлеме бойынша пайыздар есепке жазылады.
Тармақ 4. Кредиттің шоғырландырылатын сомасы бойынша негізгі борыштың сыйақылар сомаларын өтеуге төлемдер тиісті жылдың 30 маусымына және 30 желтоқсанына дейін жүзеге асырылады. Қазақстан тарапының орталық банкінің шотына сома түскен күн төлем күні болып саналады.
Тармақ 5. Тараптар осы баптың 4-тармағында көрсетілген мерзімдерде жүргізілмеген кредиттің шоғырландырылатын сомасы бойынша негізгі борыштың сыйақылар сомаларын өтеуге төлемдерді мерзімі өткен төлемдер деп санауға уағдаласты.