Тармақ 1. 2003 жылғы 1 қаңтардан бастап 2004 жылғы 1 маусым кезеңіндегі 3185011,25 АҚШ доллары мөлшерінде кредит сомасы берешегінің қалған 50%-ы, 2004 жылғы 1 маусымнан бастап 2005 жылғы 31 желтоқсан кезеңіндегі кредит сомасының негізгі борышы мен сыйақысы бойынша берешек сомасы капиталдандырылады және 12374971,91 АҚШ долларын құрайды (бұдан әрі - капиталдандырылатын сома).
Тармақ 2. Грузия тарапы кредиттің капиталдандырылатын сомасы бойынша негізгі борыш сомасын 2017 жылдан бастап 2025 жылды қоса алғандағы кезеңде 2004 жылғы 21 шілдедегі келісілген хаттамаға сәйкес сараланған өтеу кестесіне негізделген осы Келісімге 3-қосымшаға сәйкес жартыжылдықтар бойынша өтеуге міндеттенеді.
Тармақ 3. 2004 жылдан бастап 2016 жылды қоса алғанда көзделген кредиттің капиталдандырылатын сомасы бойынша негізгі борыш сомасын өтеу төлемдерін Грузия тарапы 2017 жылдан бастап 2021 жылды қоса алғанда тоқсан сайынғы үлестермен жүзеге асыратын болады.
Тармақ 4. 2017 - 2025 жылдардағы кредиттің капиталдандырылатын сомасы бойынша негізгі борыш сомасын өтеуге төлемдер тиісті жылдың 1 наурызына және 1 қыркүйегіне дейін жүзеге асырылады. Қазақстан тарапының орталық банкінің шотына сома түскен күн төлем күні болып саналады.
Тармақ 5. Тараптар осы баптың 3 және 4-тармақтарында көрсетілген мерзімдерде жүргізілмеген кредиттің капиталдандырылатын сомасының негізгі борышының сомасы бойынша төлемдерді мерзімі өткен төлемдер деп санауға уағдаласты.