Тармақ 1. Грузия тарапы кредиттің капиталдандырылатын сомасына сыйақылар сомасын осы Келісімге 3-қосымшаға сәйкес 2017 жылдан бастап 2025 жылды қоса алғандағы кезеңде жартыжылдық негізде өтеуге міндеттенеді.
Тармақ 2. Грузия тарапы 2004 - 2016 жылдарды қоса алғандағы кредиттің капиталдандырылатын сомасына сыйақылар сомасын өтеуге төлемдерді 2017 жылдан бастап 2021 жылды қоса алғанда тоқсан сайынғы үлестермен жүзеге асыратын болады.
Тармақ 3. Сыйақы сомасын есептеу үшін кредиттің капиталдандырылатын сомасына жылдық 4 % (төрт пайыз) мөлшерлеме бойынша пайыздар есепке жазылады.
Тармақ 4. Кредиттің капиталдандырылатын сомасы бойынша негізгі борыштың сыйақылар сомасын өтеуге төлемдер тиісті жылдың 1 наурызына және 1 қыркүйегіне дейін жүзеге асырылады. Қазақстан тарапының орталық банкінің шотына сома түскен күн төлем күні болып саналады.
Тармақ 5. Тараптар осы баптың 4-тармағында көрсетілген мерзімдерде жүргізілмеген кредиттің капиталдандырылатын сомасы бойынша негізгі борыштың сыйақылар сомасын өтеуге төлемдерді мерзімі өткен төлемдер деп санауға уағдаласты.