Тармақ 1. Талқылауды бастау туралы шешім қабылданған кезде Комиссия осындай шешім қабылданған күннен бастап 5 жұмыс күні ішінде осы Келісімнің 17-бабында көзделген хабарламаны уәкілетті органдардың атына жібереді.
Тармақ 2. Жауапты департамент талқылауды бастау туралы шешім қабылданған күннен бастап 5 жұмыс күні ішінде субсидиялаушы мүше мемлекеттің уәкілетті органына талқылауды бастау туралы өтініштің көшірмесін немесе оның құпия емес нұсқасын (егер өтініште құпия ақпарат болса) жібереді.
Тармақ 3. Өтініш беруші мемлекет талқылауды бастау туралы өтінішті талқылау басталғанға дейін немесе оны жүргізу барысында қайтарып ала алады.
Тармақ 4. Талқылау жүргізу мерзімі талқылауды бастау туралы шешім қабылданған күннен бастап 9 айдан аспауға тиіс.
Тармақ 5. Талқылауды аяқтау қорытындысы бойынша Комиссия уәкілетті органдардың атына осы Келісімнің 21-бабында көзделген қорытындыны қоса бере отырып, талқылаудың аяқталғаны туралы хабарлама жібереді.