Тармақ 1. Талқылауды бастау туралы шешім қабылданғанға дейін, сондай-ақ талқылаудың бүкіл кезеңінде Комиссия бастама жасай отырып, сол сияқты өтініш беруші мемлекеттің уәкілетті органының немесе субсидиялаушы мүше мемлекеттің уәкілетті органының ұсынысы бойынша нақты мән-жайларды нақтылау немесе өзара қолайлы шешімге қол жеткізу мақсатында Комиссия алаңында консультациялар өткізуі мүмкін.
Тармақ 2. Жауапты департамент уәкілетті органдарға консультациялардың өткізілетіні жөнінде хабарлайды және оны өткізуді қамтамасыз етеді.
Тармақ 3. Консультацияларда өтініш беруші мемлекеттің уәкілетті органының және (немесе) субсидиялаушы мүше мемлекеттің уәкілетті органының өкілі болмаған жағдайда, консультациялар өткізілмейді.
Тармақ 4. Уәкілетті органдардың өкілдері консультациялар барысында қаралып отырған мәселе бойынша уәкілетті органның ұстанымын растайтын қосымша ақпарат пен түсіндірмелерді ұсына алады.
Тармақ 5. Консультациялардың хаттамасына жауапты департаменттің басшысы (басшының орынбасары) қол қояды және бұл консультациялар өткізілген күннен бастап 7 жұмыс күнінен кешіктірілмей, уәкілетті органдарға жіберіледі.