Тармақ 2. 1 Осы Меморандумда мынадай анықтамалар пайдаланылады:
Тармақ 2. 2 "Әкімшілік басқару" әрбір нақты жағдайда көрсетілген әкімшілік мәселелерде бағыныстыларына немесе басқа да ұйымдарға басшылық жасауды немесе өкілеттіктерді жүзеге асыруды білдіреді. Бағыныстыларының немесе басқа да ұйымдардың персоналын, қамтамасыз етуін, көрсетілетін қызметтерін және басқа да жедел емес мәселелерін басқаруды қамтуы мүмкін.
Тармақ 2. 3 "ОЖА" - БҰҰЛУК операцияларын жүргізу ауданы.
Тармақ 2. 4 "БҰҰ 4-2 базасы" құрастырылатын үйлерді, тұрғын үй-жайларды, БҰҰ персоналының объектілері мен орналастыру аймақтарын қоса алғанда, материалдық-техникалық қамтамасыз ету объектілері бар ҮНДІБАТ батальонының басты лагері мен штаб-пәтері болып табылады.
Тармақ 2. 5 "Үндістандық жаяу әскерлер батальоны (ҮНДІБАТ)" - БҰҰ күштері қолбасшысының жедел бағынысындағы БҰҰЛУК-қа қолдау көрсетуге өрістетілген Үндістан Республикасы Құрлық әскерлерінің жаяу әскерлер батальондық тобының жеке құрамы.
Тармақ 2. 6 "Қазақстандық бітімгершілік контингент" - ҮНДІБАТ-тың жедел бағынысында өрістетілген қазақстандық рота.
Тармақ 2. 7 "Қазақстандық рота" - батальон штабының құрамындағы екі штабтық офицерді қоса алғанда, 120 әскери қызметшіден тұратын атқыштар ротасы.
Тармақ 2. 8 "Үнді-қазақстандық батальон (ҮНДІҚАЗБАТ)" - БҰҰЛУК-тағы үндістандық батальондық топтың (ҮНДІБАТ) құрамында қазақстандық бітімгершілік контингентті бірлесіп өрістету.
Тармақ 2. 9 "(СО) командирі" - БҰҰ-ның басшылыққа алатын құжаттарына сәйкес күштер қолбасшысының жедел бағынысындағы үндістандық батальон элементтерінің командирі. Жаяу әскерлер батальонының командирі БҰҰ 4-2 базасында болады және "СО" деп аталады. Сонымен қатар ол ҮНДІҚАЗБАТ командирі болып табылады.
Тармақ 2. 10 "Қазақстандық рота командирі" - БҰҰ-ның басшылыққа алатын құжаттарына сәйкес ҮНДІБАТ командирінің бағынысындағы және күштер қолбасшысының жедел бағынысындағы қазақстандық рота элементтерінің командирі.
Тармақ 2. 11 "Толық басқару" бағыныстыларға бұйрықтар беру үшін жоғары тұрған лауазымды адамның әскери өкілеттіктері мен жауапкершілігін білдіреді. Әскери операциялардың және әкімшіліктің барлық аспектілерін қамтиды.
Тармақ 2. 12 "Жетекші мемлекет (ЖМ)" - Үндістан Республикасы, БҰҰЛУК-тағы ҮНДІҚАЗБАТ-ты бірлесіп өрістету үшін батальон командирін және әскерлердің көп бөлігін, материалдық-техникалық және тылдық қамтамасыз етуді беретін ел. Жетекші мемлекет бірлесіп өрістету операцияларының функционалдық ауданы шегінде Қолдау көрсететін мемлекетті материалдық-техникалық және тылдық қамтамасыз етуді үйлестіру үшін жауапты болады.
Тармақ 2. 13 "Қолдау көрсететін мемлекет" - Қазақстан Республикасы өзінің әскерлерін ұсынатын және БҰҰЛУК-та ҮНДІҚАЗБАТ құрамында бірлесіп өрістетуге материалдық-техникалық үлес қосатын ел.
Тармақ 2. 14 "Өзін-өзі қамтамасыз ету" - БҰҰ өтейтін, Тараптардың біреуінің бітімгершілік миссияны жүргізудің барлық уақытына өзінің контингентіне контингенттің негізгі емес мүлкін және шығыс материалдарын ішінара немесе толық материалдық-техникалық және тылдық қамтамасыз етуді ұсыну қабілеті.
Тармақ 2. 15 "Негізгі мүлік" - БҰҰ өтейтін, тараптардың біреуінің өз контингентін бөлімше үшін мүліктің негізгі атауларымен қамтамасыз ету қабілеті.
Тармақ 2. 16 "Жедел бағыну (ОРСON)" - командир, әдетте, сипаты, уақыты немесе орналасқан жері бойынша шектеулі белгілі бір миссияларды немесе міндеттерді орындай алатындай, тиісті бөлімшелерді өрістете алатындай, осы бөлімшелерге тактикалық бақылауды сақтай немесе бере алатындай етіп бағыныстағы күштерді басқару үшін командирге берілген өкілеттіктер. ҮНДІҚАЗБАТ-тың қандай да бір құрамдасына немесе бөлімшелеріне жеке тапсырмалар қою бойынша өкілеттіктерді қамтымайды.
Тармақ 2. 17 "Ұлттық аға өкіл (ҰАӨ)" - БҰҰЛУК миссиясы аймағында өрістетілген тиісті бітімгершілік контингент үшін аға офицер болып табылатын офицер. Қазақстандық рота командирі ҮНДІҚАЗБАТ-та қазақстандық бітімгершілік контингент үшін лагерде ұлттық аға өкіл болып табылады және ҮНДІҚАЗБАТ командирінің жедел бағынысында болады.
Тармақ 2. 18 "Ұлттық ескертпелер" - өрістетуге, операцияларға, материалдық-техникалық, тылдық қамтамасыз етуге және ҮНДІҚАЗБАТ қолбасшылығымен өрістету кезінде басқа да қолдау көрсететін мемлекеттің мәселелеріне Қазақстан Республикасының Үкіметі жасайтын ескертпелер. Ұлттық ескертпелер Жетекші мемлекетке өрістетілгенге дейін беріледі және өзара келісіледі.
Тармақ 2. 19 "Қызыл картаны ұстаушы" - тағайындалған және Тараптардың әрқайсысы үшін қолданылатын ұлттық ескертпелерді қолдануға уәкілеттік берілген офицер. Осы Меморандум шеңберінде қызыл картаны ұстаушы Қазақстан Республикасының ұлттық аға өкілі болып табылады.