Тармақ 1. Осы Конвенция 1970 жылғы 1-16 желтоқсан аралығында Гаагада болған Әуе құқығы жөніндегі халықаралық конференцияға (бұдан әрі Гаага конференциясы деп аталатын) қатысушы мемлекеттер үшін 1970 жылғы 16 желтоқсанда Гаагада қол қоюға ашық болады. 1970 жылғы 31 желтоқсаннан кейін Конвенция Мәскеуде, Лондонда және Вашингтонда барлық мемлекеттердің қол қоюы үшін ашық болады. Осы Конвенция осы баптың 3-тармағына сәйкес күшіне енгенге дейін оған қол қоймаған кез келген мемлекет оған кез келген уақытта қосыла алады.
Тармақ 2. Осы Конвенция оған қол қойған Мемлекеттердің ратификациялауына жатады. Ратификациялау грамоталары мен қосылу туралы құжаттар осы арқылы үкіметтер-депозитарийлер болып тағайындалатын Кеңестік Социалистік Республикалар Одағының, Ұлыбритания және Солтүстік Ирландия Құрама Корольдігінің және Америка Құрама Штаттарының үкіметтеріне сақтауға тапсырылады.
Тармақ 3. Осы Конвенция Гаага конференциясына қатысқан, осы Конвенцияға қол қойған он Мемлекет ратификациялау грамоталарын сақтауға тапсырған күнінен кейін отыз күн өткен соң күшіне енеді.
Тармақ 4. Басқа мемлекеттер үшін осы Конвенция осы баптың 3-тармағына сәйкес осы Конвенция күшіне енген күні немесе өздерінің ратификациялау грамоталары немесе қосылу туралы құжаттары сақтауға тапсырылған күннің қайсысы кешірек болса, сол күннен кейін отыз күн өткен соң күшіне енеді.
Тармақ 5. Депозитарий үкіметтер барлық қол қойған және қосылған Мемлекеттерді әрбір қол қою күні, әрбір ратификациялау грамотасын немесе қосылу туралы құжатты сақтауға тапсыру күні, осы Конвенцияның күшіне ену күні туралы, сондай-ақ басқа хабарламалар туралы дереу хабардар етеді.
Тармақ 6. Осы Конвенция күшіне енгеннен кейін оны депозитарий үкіметтер Біріккен Ұлттар Ұйымы Жарғысының 102-бабына сәйкес және Халықаралық азаматтық авиация туралы конвенцияның (Чикаго, 1944 ж.) 83-бабына сәйкес тіркеуге тиіс.