Тармақ 1. Егер осы баптың 2-тармағында өзгеше белгіленбесе, егер жергілікті бюджеттен толық не ішінара қаржыландырылуын жүзеге асыру болжанған жағдайда, индустриялық аймақ өңірлік маңызы бар индустриялық аймақ деп танылады.
Тармақ 2. Мыналар:
Тармақ 3. Жергілікті атқарушы орган осы баптың 1 немесе 2-тармағында көзделген индустриялық аймақ құрылған кезден бастап жиырма жұмыс күні ішінде бұл туралы бірыңғай үйлестіру орталығына хабарлайды.
Тармақ 4. Жекеше индустриялық аймақты жеке тұлғалар не мемлекеттік емес заңды тұлғалар өз қаражаты, жекеше инвестициялар, қарыздар есебінен құрады.
Тармақ 5. Шағын индустриялық аймақ шағын индустриялық аймақтарды құру және олардың жұмыс істеу қағидаларына сәйкес құрылады және жұмыс істейді.
Тармақ 6. Республикалық және өңірлік маңызы бар индустриялық аймақтарды құру үшін Қазақстан Республикасының заңнамасына сәйкес жекеше инвестициялар тартылуы мүмкін.
Тармақ 7. Индустриялық аймақтың аумағындағы оның мәртебесін пайдалануға байланысты барлық мәміле индустриялық аймақтардың бірыңғай тізіліміне индустриялық аймақ енгізілгеннен кейін жарамды болып табылады.
Тармақ 8. Қатысушыларды индустриялық аймақтың аумағында қызметті жүзеге асыруға жіберу индустриялық аймақтың басқарушы компаниясы мен индустриялық аймақтың қатысушылары арасында жасалатын қызметті жүзеге асыру туралы шарттар негізінде жүргізіледі.