Тармақ 1. Республикалық маңызы бар индустриялық аймақты құру туралы ұсынысты тұжырымдамасын қоса бере отырып облыстың, республикалық маңызы бар қаланың, астананың жергілікті атқарушы органы уәкілетті органға енгізеді.
Тармақ 2. Республикалық маңызы бар индустриялық аймақты құру туралы ұсыныс енгізілген күннен бастап бес жұмыс күні ішінде уәкілетті орган республикалық маңызы бар индустриялық аймақты құру тұжырымдамасын арнайы экономикалық және индустриялық аймақтарды құру тұжырымдамасына қойылатын талаптарға сәйкестігі тұрғысынан тексереді. Тұжырымдаманы тексеру нәтижелері бойынша уәкілетті орган үш жұмыс күні ішінде жергілікті атқарушы органды тұжырымдаманың сарапшылық кеңестің қарауына шығарылғаны туралы хабардар етеді не тұжырымдаманың көрсетілген талаптарға сәйкес келмеуіне байланысты уәжді бас тарту жібереді.
Тармақ 3. Сарапшылық кеңес оң қорытынды берген жағдайда, уәкілетті орган осындай қорытынды шығарылғаннан кейін бес жұмыс күні ішінде республикалық маңызы бар индустриялық аймақты құруға жазбаша келісім береді.
Тармақ 4. Сарапшылық кеңес теріс қорытынды шығарған жағдайда, уәкілетті орган республикалық маңызы бар индустриялық аймақты құру туралы ұсынысты қабылдамайды.
Тармақ 5. Республикалық маңызы бар индустриялық аймақты құру туралы шешім шығарылғаннан кейін республикалық маңызы бар индустриялық аймақтың болжамды құрылу орны бойынша облыстың, республикалық маңызы бар қаланың, астананың жергілікті атқарушы органы республикалық маңызы бар индустриялық аймақтың басқарушы компаниясын құрады немесе айқындайды, оған Қазақстан Республикасының Жер кодексінде белгіленген тәртіппен осындай индустриялық аймақты орналастыру үшін жер учаскесі беріледі.
Тармақ 6. Тиісті жергілікті атқарушы орган республикалық маңызы бар индустриялық аймақты орналастыруға жер учаскесі берілген кезден бастап он жұмыс күні ішінде бұл туралы бірыңғай үйлестіру орталығына хабарлайды.
Тармақ 7. Осы баптың талаптары осы Заңның 24-бабында көзделген тәртіппен республикалық маңызы бар индустриялық аймақты құру жағдайларына қолданылмайды.