Тараптар онда айыпталушы немесе өзіне қатысты қылмыстық істі тергеп-тексеру жүзеге асырылатын адам қатысатын бейнеконференция арқылы тыңдау үшін осы баптың ережелерін қолдана алады. Бұл жағдайда Тараптар бір-бірімен консультациялар жүргізеді және бейнеконференцияны олардың заңнамаларына және қолданыстағы тиісті халықаралық шарттарға сәйкес өткізу туралы мәселені шешеді. Айыпталушы немесе өзіне қатысты қылмыстық істі тергеп-тексеру жүзеге асырылатын адам қатысатын тыңдаулар олар келіскен кезде ғана жүргізілуі мүмкін.