Тармақ 1. Сұрау салынатын Тарап сұрау салу бойынша сұрау салудың түсу фактісіне, оның мазмұнына, оған қоса берілген құжаттарға және оны орындау кезінде алынған кез келген басқа да құжаттар мен материалдарға қатысты құпиялылықты сақтайды. Егер сұрау салуды құпиялылықты бұзбай орындау мүмкін болмаса, Сұрау салынатын Тарап Сұрау салушы Тараппен оның сұрау салуды орындауға мүдделілігі жөнінде консультациялар жүргізеді.
Тармақ 2. Сұрау салушы Тарап Сұрау салынатын Тараптың көмек көрсетуі арқылы алынған ақпаратты немесе дәлелдемелерді сұрау салуда көрсетілмеген мақсаттар үшін пайдалануға немесе ашуға алдын ала келісімін сұратады.
Тармақ 3. Көмек көрсету арқылы алынған, көпшілік алдында, сот немесе әкімшілік тыңдауларда ашылған ақпарат немесе дәлелдемелер бұдан әрі кез келген мақсаттарда пайдаланылуы мүмкін. Сұрау салынатын Тарап ақпарат пен дәлелдемелерді өзге түрде пайдалану мүмкіндігін айқындай алады.
Тармақ 4. Осы баптың мазмұны қылмыстық талқылау бойынша Сұрау салушы Тараптың заңнамасына сәйкес қажет шамада ақпаратты пайдалануға немесе ашуға кедергі келтірмейді. Сұрау салушы Тарап Сұрау салынатын Тарапты кез келген мұндай ашу туралы хабардар етеді.