Тармақ 1. Сұрау салынатын Тарап осы Шартқа сәйкес Сұрау салушы Тарап жіберген құжаттарды табыс ету үшін барлық күш-жігерін жұмсайды. Осы тармақтың ережелері кез келген шақыруға немесе Сұрау салушы Тараптың аумағында құзыретті органның немесе соттың алдында кез келген адамның қатысуын талап ететін басқа рәсімдерге де қолданылады.
Тармақ 2. Сұрау салушы Тараптың орталық органы Сұрау салушы Тараптың аумағында құзыретті органның алдына адамның келуін талап ететін құжаттарды табыс ету туралы кез келген сұрау салуды келудің белгіленген күніне дейін 90 (тоқсан) тәуліктен кешіктірмей береді.
Тармақ 3. Сұрау салынатын Тарап, мүмкіндігінше, қолданыстағы заңнамада рұқсат етілген шектерде сұрау салуда көрсетілген тәртіппен құжаттарды табыс ету туралы растауды жібереді.