Тармақ 1. Одақтың ұжымдық белгісіне құқықтан айыру мүмкін емес және оны пайдалану құқығы ол арқылы берілетін лицензиялық шарттың немесе өзге де шарттың нысанасы бола алмайды.
Тармақ 2. Одақтың ұжымдық белгісін тіркеген бірлестікке кіретін тұлға өзінің тауар белгісін Одақтың ұжымдық белгісімен қатар пайдалануға құқылы.
Тармақ 3. Одақтың ұжымдық белгісінің құқық иеленушісі Одақтың ұжымдық белгісі жарғысындағы (ережесіндегі) өзгерістер туралы өтінім беру ведомствосын хабардар етуге міндетті.
Тармақ 4. Одақтың ұжымдық белгісі мен Одақтың ұжымдық белгісіне өтінім тиісінше Одақтың тауар белгісіне және Одақтың тауар белгісіне өтінімге және керісінше өтінім беру ведомствосы мемлекетінің заңнамасында белгіленген мөлшерде баж төленген жағдайда өзгертілуі мүмкін.