Осы Келісімнің 1-бабының 1-тармағында көрсетілген өнімді әзірлеу (жобалау) кезінде оның қауіпсіздігін қамтамасыз ететін өнімнің қасиеттерін (көрсеткіштерін, сипаттамаларын) белгілеуге мүмкіндік беретін техникалық шешімдер қолданылуға тиіс. Қажет болған жағдайда ықтимал қатерден қорғауды қамтамасыз ететін қауіпсіздік жүйелері (элементтері) көзделуге тиіс және (немесе) өнімді пайдаланудың (қолданудың) қауіпсіз шарттары туралы, оның ішінде тұтынушылардың жекелеген санаттары үшін, әсіресе, оны пайдалану (қолдану) кезінде мұндай өнім төндіруі мүмкін қатерге әлсіз тұтынушылар үшін ақпарат ұсынылуға тиіс.