Тармақ 1. Осы Келісімнің 1-бабының 1-тармағында көрсетілген өнімді әзірлеу (жобалау) кезінде оның қауіпсіздігін қамтамасыз ететін өнімнің қасиеттерін (көрсеткіштерін, сипаттамаларын) белгілеуге мүмкіндік беретін техникалық шешімдер қолданылуға тиіс. Қажет болған жағдайда ықтимал қатерден қорғауды қамтамасыз ететін қауіпсіздік жүйелері (элементтері) көзделуге тиіс және (немесе) өнімді пайдаланудың (қолданудың) қауіпсіз шарттары туралы, оның ішінде тұтынушылардың жекелеген санаттары үшін, әсіресе, оны пайдалану (қолдану) кезінде мұндай өнім төндіруі мүмкін қатерге әлсіз тұтынушылар үшін ақпарат ұсынылуға тиіс.
Тармақ 2. Осы Келісімнің 1-бабының 1-тармағында көрсетілген өнімді өндіру кезінде осындай өнімді әзірлеу (жобалау) кезінде берілген деңгейдегі қауіпсіздік қасиеттерінің (көрсеткіштерінің, сипаттамаларының) тұрақтылығы қамтамасыз етілуге тиіс.
Тармақ 3. Осы Келісімнің 1-бабының 1-тармағында көрсетілген өнімнің Одақ шеңберіндегі айналысы кезінде осындай өнімді әзірлеу (жобалау) және өндіру кезінде берілген деңгейдегі өнімнің қауіпсіздік қасиеттерінің (көрсеткіштерінің, сипаттамаларының сақталуы) жарамдылық мерзімі (қызмет мерзімі) ескеріле отырып, қамтамасыз етілуге тиіс.