Бап 5 О ратификации Соглашения о порядке обращения в рамках Евразийского экономического союза продукции, требования к которой не установлены техническими регламентами Евразийского экономического союза, и правилах обеспечения безопасности такой продукции

Тармақ 1. Бірыңғай тізбеге енгізілмеген өнімнің, сондай-ақ бірыңғай тізбеге енгізілген, бірақ оған қатысты мүше мемлекеттердің заңнамасына сәйкес қауіпсіздіктің міндетті талаптары белгіленбеген өнімнің қауіпсіздігін қамтамасыз ету мақсатында дайындаушы (дайындаушы уәкілеттік берген тұлға) мыналарға:

• 1) а) өнімнің сипаттамаларын (оның құрамын қоса алғанда), қаптамаға қойылатын талаптарды ескеру, оны пайдалану (қолдану) жөніндегі нұсқаманың (нұсқаулықтың) және қажет болған кезде оны монтаждау, іске қосу, реттеу және сынау жөніндегі нұсқаманың болуы қажеттілігіне;
• 2) б) осы өнімді басқа өніммен бірге пайдалану мүмкіндігі туралы ақпарат немесе негізделген болжал болған кезде осы өнімнің басқа өнімге әсері туралы мәліметке;
• 3) в) сатып алушыға (тұтынушыға) өнім және оның таңбалануы туралы ақпаратты беру, сондай-ақ оны пайдалану (қолдану), кәдеге жарату жөніндегі нұсқаманы (нұсқаулықты) беру және (немесе) басқа да нұсқаулар беру, оның ішінде осы өнім туралы өзге ақпаратты (жекелеген жағдайларда жарамдылық мерзімі (қызмет мерзімі) ішінде оны пайдалану бойынша ұсынымдарды және (немесе) шектеулерді қоса алғанда), сондай-ақ өнімді монтаждаудан, ретке келтіруден, пайдаланудан (қолданудан) болуы мүмкін ықтимал қатер және қажет болған кезде оларды жою тәсілдері туралы ақпаратты ұсыну қажеттілігіне;
• 4) г) өнімді мақсаты бойынша қолданбау қатер төндіруі мүмкін болғанда осындай қолдану мүмкіндігі туралы негізделген болжалдарға;
• 5) д) тұтынушылардың жекелеген санаттарының, оның ішінде кәмелеттік жасқа толмағандардың, жүкті әйелдердің, бала емізетін аналардың, мүгедектердің өнімді пайдалануы (қолдануы) туралы ақпаратты ұсыну қажеттілігіне сүйенуге тиіс.

Тармақ 2. Дайындаушы (дайындаушы уәкілеттік берген тұлға) осы баптың 1-тармағында көрсетілген өнімнің қауіпсіздігін, оның таңбалауда мәлімделген қасиеттерге және дайындаушының сатып алушыға (тұтынушыға) (дайындаушы белгілеген жарамдылық мерзімі (қызмет мерзімі) ішінде өнімді пайдалану (қолдану) жөніндегі дайындаушы белгілеген ұсынымдарды (нұсқауларды) және (немесе) шектеулерді сақтаған жағдайда) берген өнімнің негізгі тұтынушылық қасиеттері мен қауіпсіздігі туралы мәліметтерге сәйкестігін қамтамасыз етеді.

Тармақ 3. Осы баптың 1-тармағында көрсетілген өнімді өндіру кезінде мүше мемлекеттердің көрсетілген өнімге қолданылатын мемлекетаралық стандарттарын және (немесе) ұлттық (мемлекеттік) стандарттарын дайындаушының ерікті негізде қолдануы осы баптың 2-тармағында көрсетілген талаптарды сақтау және өнімнің қауіпсіздігін қамтамасыз ету үшін жеткілікті талап болып табылады.

Тармақ 4. Сатушы (импорттаушы) осы баптың 1-тармағында көрсетілген өнімді пайдалану (қолдану), оны сақтау, тасымалдау және кәдеге жарату қауіпсіздігін қамтамасыз ету мақсатында дайындаушы белгілеген талаптарды сақтауға міндетті және оларды сатып алушының (тұтынушының) назарына, оның ішінде оларды өнімге ілеспе құжаттамаға, оның таңбалауына енгізу арқылы немесе басқа тәсілмен жеткізуге міндетті.