Тармақ 1. Мемлекеттік фельдъегерлік қызметтің жұмысын қаржыландыру және материалдық-техникалық қамтамасыз ету Қазақстан Республикасының заңнамасында белгіленген тәртіппен бюджет қаражаты есебінен жүзеге асырылады.
Тармақ 2. Мемлекеттік фельдъегерлік қызметті атыс қаруымен және өзге де қарумен, арнаулы құралдармен, заттай мүлікпен қамтамасыз ету Қазақстан Республикасының ішкі істер органдары үшін белгіленген нормаларға сәйкес жүзеге асырылады.
Тармақ 3. Мемлекеттік фельдъегерлік қызметтің филиалдарын немесе қызметкерлерін осы Заңның 3-бабы 1-тармағының 1), 2) және 3) тармақшаларында айқындалған органдардың тікелей үй-жайларында орналастыру кезінде материалдық-техникалық қамтамасыз ету, оның ішінде оларды осындай органдардың мемлекеттік фельдьегерлік байланыстың көрсетілетін қызметтеріне қажеттіліктерін қанағаттандыру үшін қажетті үй-жайларды, көлік құралдары мен байланыс құралдарын бөлу, оларды беру, күтіп-ұстау және оларға қызмет көрсету жөніндегі шығыстар ескеріле отырып, осы органдардың қаражаты есебінен жүзеге асырылады.
Тармақ 4. Мемлекеттік фельдъегерлік қызметтің бюджет қаражаты есебінен құралған және сатып алынған мүлкі мемлекеттік меншік болып табылады. Осындай мүлікті жедел басқаруды мемлекеттік фельдъегерлік қызмет Қазақстан Республикасының заңнамасына сәйкес жүзеге асырады.