Тармақ 1. Тізбеде бекітілген, ЕАЭО СЭҚ ТН-нің 27-тобында сыныпталатын тауарларды тиеп-жөнелту өнім беру жоспарында жөнелту (Қазақстан Республикасы мұнай өңдеу зауыттарының) және межелі станцияның атауы, жүк жөнелтушінің, жүктің атауы және тиеп-жөнелту көлемі көрсетіле отырып, Қазақстан Республикасының мұнай өңдеу зауыттарынан теміржол станциялары/порттар арқылы жүзеге асырылады.
Тармақ 2. Тізбеде бекітілген, ЕАЭО СЭҚ ТН-нің 27-тобында сыныпталатын тауарларды тасымалдау:
Тармақ 3. Тізбеде бекітілген, ЕАЭО СЭҚ ТН-нің 27-тобында сыныпталатын тауарларды Қазақстан Республикасынан Армения Республикасына тасымалдау теміржол, теңіз және автомобиль көлігі/ түрлерімен жүзеге асырылады.
Тармақ 4. Тараптардың шаруашылық жүргізуші субъектілерінің тасымалдауға арналған өтінімдерін қабылдауды ЕАЭО СЭҚ ТН-нің 27-тобында сыныпталатын тауарларды беру жоспары негізінде Қазақстан тарапының ұлттық жүк тасымалдаушысы, сондай-ақ Ақтау және/немесе Құрық порттары атынан уәкілетті ұйымдар жүзеге асырады.
Тармақ 5. Қазақстан тарапының құзыретті органы Тізбеде бекітілген, ЕАЭО СЭҚ ТН-нің 27-тобында сыныпталатын тауарларды беру жоспары бекітілгеннен кейін бір жұмыс күні ішінде Қазақстан тарапының уәкілетті ұйымдарына осы Келісімнің 5-бабында көрсетілген ай сайынғы өнім беру жоспарын жібереді.
Тармақ 6. Қазақстан тарапының уәкілетті ұйымдары ай сайынғы өнім беру жоспарының негізінде Қазақстан Республикасының теміржол көлігі саласындағы уәкілетті органы бекіткен Теміржол көлігімен жүктерді тасымалдау қағидаларына, сондай-ақ Қазақстан Республикасының сауда мақсатында теңізде жүзу саласындағы қолданыстағы заңнамасына сәйкес Тізбеде бекітілген, ЕАЭО СЭҚ ТН-нің 27-тобында сыныпталатын тауарларды тасымалдау жоспарын қалыптастырады.
Тармақ 7. "Оңтүстік-Кавказ теміржолы" мемлекеттік кәсіпорны ақпараттық жүйеге "ҚТЖ" ҰК" АҚ-дан өздеріне келіп түскен өтінімдерді келісуге сұрау салу келіп түскен кезде Тізбеде бекітілген, ЕАЭО СЭҚ ТН-нің 27-тобында сыныпталатын тауарларды тиеп-жөнелту жоспарын келісуді күнтізбелік 5 (бес) күннен кешіктірмей жүргізеді. Ұлттық жүк тасымалдаушы жүк тиеп-жөнелтілгеннен кейін Тізбеде бекітілген, ЕАЭО СЭҚ ТН-нің 27-тобында сыныпталатын тауарларды мемлекетаралық түйісу пункттері бойынша қабылдауды және межелі станцияларға дейін жеткізуді жүзеге асырады.
Тармақ 8. Тараптардың жүк жөнелтушілері мен жүк алушыларының тасымалдау шартын жүру жолынада өзгертуге өтінім беруіне және мәлімделген межелі пунктті/станцияны өзгертуді (басқа мекенжайға жіберуді) жүзеге асыруына тыйым салынады.
Тармақ 9. Тараптардың жүк жөнелтушілері мен жүк алушылары Тараптар мемлекеттерінің салық заңнамасына сәйкес шот-фактуралар, сондай-ақ ЕАЭО туралы шарттың 18-қосымшасына сәйкес тауарға ілеспе және өзге де құжаттар арқылы жүктің тасымалданғанын/өткізілгенін растайды.
Тармақ 10. Қазақстан тарапының уәкілетті ұйымдары есепті айдан кейінгі айдың 15 (он бесінші) күніне дейін ақпараттың жүйелерді пайдалана отырып, Қазақстан тарапының құзыретті органына Бірыңғай тарифтік-статистикалық жүк номенклатурасының жүк номенклатуралары бойынша өнім беру жоспарына сәйкес тиеп-жөнелту көлемдері туралы есепті ұсынады.