Тармақ 1. Осы Келісімге сәйкес Қазақстан Республикасынан Армения Республикасына кедендік әкету баждары алынбай берілетін Тізбеде бекітілген, ЕАЭО СЭҚ ТН-нің 27-тобында сыныпталатын тауарлар Армения Республикасының аумағынан үшінші елдерге және ЕАЭО елдеріне әкетуге жатпайды.
Тармақ 2. Қазақстан тарапы Армения Республикасының осы баптың 1-тармағында көзделген міндеттемелерді бұзу фактілерін анықтған жағдайда, Тараптар осы Келісімнің 9-бабына сәйкес келіссөздер мен консультациялар өткізеді.
Тармақ 3. Осы баптың 2-тармағында көрсетілген өтемақы сомасы Армения тарапының құзыретті органы дипломатиялық арналар арқылы әкету және кері экспорттау фактісін анықтау туралы жазбаша хабарламаны және Қазақстан тарапына әкетілген және кері экспортталатын тауарлар үшін өтемақы сомаларын төлеу талабын алған күнінен бастап күнтізбелік 30 (отыз) күннен кешіктірмейтін мерзімде Армения тарапы Қазақстан тарапының пайдасына ақшалай нысанда төлеуге тиіс.
Тармақ 4. Армения тарапы осы баптың 2-тармағында көзделген соманы төлемеген жағдайда, көрсетілген сома Армения Республикасының Қазақстан Республикасының алдындағы мемлекеттік борышы деп танылады.