Тармақ 1. Тараптар ені 20 метрді (мемлекеттік шекара сызығының екі жағынан 10 метрді) құрайтын шекаралық соқпақтарды жабдықтау және күтіп-ұстау жөнінде шаралар қабылдайды, оларда ағаштардың, бұталардың және басқа да өсімдіктердің өсіп кетуіне жол бермейді.
Тармақ 2. Шекаралық соқпақтарды тазарту үшің отты, химиялық препараттарды және Тараптардың мемлекеттеріне нұқсан келтіруі мүмкін басқа да тәсілдерді қолдануға тыйым салынады.
Тармақ 3. Осы Келісімде және Тараптар мемлекеттерінің арасындағы басқа да халықаралық шарттарда көзделген жағдайлардан басқа, шекаралық соқпақтарда жер жыртуды, жер қазу жұмыстарын, құрылысжайлар салуды және өзге де шаруашылық қызметті жүзеге асыруға тыйым салынады.
Тармақ 4. Жабайы жануарлардың мекендеу ортасына, көбею жағдайларына және шоғырлану орнына теріс әсер етуді болғызбау мақсатында, шекара ведомстволары мемлекеттік шекараны күзету жөніндегі міндеттерін орындау кезінде Тараптар мемлекеттерінің жануарлар дүниесін қорғау, өсімін молайту және пайдалану саласындағы уәкілетті органдарының ұсынысы бойынша жабайы жануарлардың өріс аудару жолдарын ескере отырып, шекарада инженерлік-техникалық құралдар, құрылысжайлар мен бөгеттер тұрғызады.