Бап 3 О ратификации Соглашения о порядке обмена сведениями, входящими в состав кредитных историй, в рамках Евразийского экономического союза

Тармақ 1. Трансшекаралық алмасу уәкілетті ұйымдардың арасында жасалған шарттарда көзделген тәртіппен және талаптармен олардың өзара іс-қимылы арқылы жүзеге асырылады. Егер бүл Одаққа мүше мемлекеттің (бұдан әрі - мүше мемлекет) заңнамасында көзделсе, мұндай шарттардың жобалары уәкілетті органмен келісуге жатады.

Тармақ 2. Уәкілетті органдар ретінде мыналар түсініледі:

• 1) Армения Республикасы үшін - Армения Республикасының заңнамасына сәйкес кредиттік бюроның қызметін жүзеге асыруға лицензиясы бар заңды тұлғалар;
• 2) Беларусь Республикасы үшін - Беларусь Республикасының заңнамасына сәйкес уәкілетті ұйымдардың функцияларын жүзеге асыратын заңды тұлғалар;
• 3) Қазақстан Республикасы үшін - Қазақстан Республикасының заңнамасына сәйкес кредиттік тарихты қалыптастыруды және кредиттік есептерді беруді жүзеге асыратын ұйымдар;
• 4) Қырғыз Республикасы үшін - кредиттік бюроның тізіліміне енгізілген, Қырғыз Республикасы уәкілетті органының "Интернет" ақпараттық- телекоммуникациялық желісіндегі ресми сайтында орналастырылған заңды тұлғалар;
• 5) Ресей Федерациясы үшін - кредиттік тарих бюросының мемлекеттік тізіліміне енгізілген, Ресей Федерациясы уәкілетті органының "Интернет" ақпараттық-телекоммуникациялық желісіндегі ресми сайтында орналастырылған заңды тұлғалар.

Тармақ 3. Трансшекаралық алмасуды ұйымдастыру мақсатында уәкілетті органдар трансшекаралық алмасуға қатысатын уәкілетті ұйымдар туралы бір-біріне және Комиссияға осы Келісім күшіне енген күннен бастап күнтізбелік 10 күннен кешіктірмей ресми түрде хабарлайды.

Тармақ 4. Комиссия осы баптың 3-тармағында көрсетілген ақпаратты алған күннен бастап күнтізбелік 5 бес күн ішінде оны Одақтың ресми сайтында орналастыруды қамтамасыз етеді.

Тармақ 5. Осы баптың 1-тармағында көрсетілген шарттарда трансшекаралық алмасуды жүзеге асырудың мынадай талаптары қамтылуға тиіс:

• 1) уәкілетті ұйымдардың ақпараттық өзара іс-қимыл қағидалары мен регламенттері;
• 2) ақпарат қалыптастырылатын және берілетін тіл;
• 3) электрондық құжаттар мен мәліметтердің форматтары мен құрылымдарының сипаты;
• 4) сәйкестендіру деректерінің тізбесі (құрамы);
• 5) дауларды реттеу тәртібі, оның ішінде кредиттік тарих субъектісінің кредиттік тарихтың құрамына кіретін мәліметтерді даулау тәртібі;
• 6) ақпарат берудің қаржылық талаптары;
• 7) ақпаратты қорғаудың ұйымдастырушылық-техникалық қамтамасыз етілуіне қойылатын талаптар;
• 8) трансшекаралық алмасуды жүзеге асыруға қажетті басқа да талаптар.