Тармақ 1. Трансшекаралық алмасу жүзеге асырылатын мәліметтер мен өзге ақпарат мыналарды:
Тармақ 2. Кредиттік тарихты пайдаланушылар тізбесі уәкілетті органдардың ұсыныстары негізінде қалыптастырылады және оны Комиссия Кеңесі бекітеді.
Тармақ 3. Осы Келісімді іске асыру мақсатында кредиттік есеп кредиттік тарихты пайдаланушының сұрау салуы бойынша беріледі және оның ішінде кредиттік тарих субъектісінің сәйкестендіру деректерін және оның міндеттемелері туралы мәліметтерді қамтиды.
Тармақ 4. Бір мүше мемлекеттің кредиттік тарих субъектісі басқа мүше мемлекеттің кредиттік тарихын пайдаланушыға өтініш жасаған жағдайда, көрсетілген пайдаланушының кредиттік тарих субъектісінің келісімі болған жағдайда кредиттік тарих субъектісі туралы кредиттік есепті алуға құқығы бар.
Тармақ 5. Кредиттік тарихты пайдаланушы өзінің мүше мемлекетінің уәкілетті ұйымының (бұдан әрі - сұрау салушы уәкілетті ұйым) мекенжайына кредиттік тарих субъектісі туралы кредиттік есепті беру туралы сұрау салуды (бұдан әрі - сұрау салу) жібереді.
Тармақ 6. Сұрау салушы уәкілетті ұйым сұрау салуды басқа мүше мемлекеттің уәкілетті ұйымының (бұдан әрі - сұрау салынатын уәкілетті ұйым) атына жібереді. Сұрау салуда кредиттік тарих субъектісінің сәйкестендіру деректері, кредиттік тарих субъектісі келісімінің бар екені, кредиттік тарих субъектісінің келісімін ресімдеу күні және сұрау салудың мақсаты туралы ақпарат қамтылуға тиіс. Сұрау салудың мақсаты ретінде кредиттік қатынастарды ресімдеу туралы өтінішті қарау немесе ресімделген кредиттік қатынастардың мониторингі көрсетіледі.
Тармақ 7. Сұрау салынатын уәкілетті ұйым сұрау салуды алған күннен бастап 3 жұмыс күнінен кешіктірмей сұрау салушы уәкілетті ұйымның атына кредиттік есепті немесе кредиттік тарихтың жоқ екені туралы хабарлама жібереді.
Тармақ 8. Егер сұрау салу осы Келісімнің ережелерін бұза отырып жасалса, сұрау салынатын уәкілетті ұйым оны орындаудан бас тартады.
Тармақ 9. Егер сұрау салуды орындау мүмкін болмаса, сұрау салынатын уәкілетті ұйым бүл туралы сұрау салушы уәкілетті ұйымды сұрау салуды алған күннен бастап 3 жұмыс күнінен кешіктірмей (себептерін көрсете отырып) хабардар етеді.
Тармақ 10. Кредиттік тарихтың құрамына кіретін мәліметтерді даулау кезінде кредиттік тарих субъектісі сұрау салушы уәкілетті ұйымға не сұрау салынатын уәкілетті ұйымға өтінішпен жүгінуге құқылы.
Тармақ 11. Кредиттік тарихты пайдаланушы кредиттік тарих субъектісінің талабы бойынша кредиттік қатынастарды ресімдеу туралы шарт жасасудан бас тартқан жағдайда, кредиттік тарихты пайдаланушы оған трансшекаралық алмасу шеңберінде алынған тиісті кредиттік есептің (ондай есеп болған жағдайда) мазмұнымен танысуға мүмкіндік береді.