Тармақ 1. Директорлар кеңесі Компанияның қызметіне жалпы басшылықты жүзеге асыратын басқару органы болып табылады.
Тармақ 2. Директорлар кеңесіне әрбір қатысушы мемлекеттің үкіметінен министр (министрдің орынбасары) деңгейінде немесе халықаралық қаржы ұйымынан осы ұйымның жоғары басқару органының басшылары арасынан бір-бір өкілден кіреді.
Тармақ 3. Директорлар кеңесінде төрағалық етуді күнтізбелік 1 жыл ішінде ұзарту құқығынсыз 1 қатысушы орыс әліпбиі тәртібінде ротациялық негізде жүзеге асырады.
Тармақ 4. Директорлар кеңесіндегі міндеттерді орындағаны үшін директорлар кеңесінің төрағасына және мүшелеріне сыйақы төленбейді. Олардың өз міндеттерін орындауы кезеңінде отырыстарға қатысуына байланысты шығыстар өтелуі мүмкін. Мұндай өтемақылардың мөлшері Компанияның қаржылық мүмкіндігі ескеріле отырып белгіленеді.