Карантинге жатқызылған материал партиясымен бірге жүретін фитосанитариялық сертификат түпнұсқада болуға және Қазақстан Тарапы үшін қазақ, орыс және/немесе ағылшын тілдерінде, ал Әзербайжан Тарапы үшін әзербайжан, орыс және/немесе ағылшын тілдерінде толтырылуға тиіс. Өсімдіктер карантині жөніндегі мемлекеттік инспектордың қолымен және мөрмен куәландырылмаған, Фитосанитариялық сертификаттағы мәтіннің барлық түзетулері, сызып тасталуы және түсініксіздігі оны заңды күшінен айырады.