Бап 1 О ратификации Соглашения о правилах выпуска (выдачи), обращения и погашения в рамках Евразийского экономического союза складских свидетельств на сельскохозяйственную продукцию
Осы Келісімнің мақсаттары үшін мыналарды білдіретін ұғымдар пайдаланылады:
1) "қоймалық куәлікті ұстаушы" - мүше мемлекеттің заңнамасына сәйкес кәсіпкерлік қызметті жүзеге асыратын, қоймада сақталатын ауыл шаруашылығы өніміне қоймалық куәлікте көрсетілген мөлшерде және сапада билік ету құқығы бар заңды немесе жеке тұлға;
2) "кепіл ұстаушы" - ауыл шаруашылығы өнімінің кепілімен қамтамасыз етілген міндеттемелерді орындауды талап етуге құқығы бар заңды немесе жеке тұлға;
3) "қоймалық куәліктер тізілімі" - мүше мемлекеттің шығарылған (берілген) қоймалық куәліктер туралы, оның ішінде қоймалық куәліктермен жасалған операциялар (олардың өтелуін қоса алғанда) туралы, қоймалық куәліктердің айналысына немесе олар бойынша құқықтарды жүзеге асыруға шектеулердің бар-жоғы (олардың сипатын қоса алғанда) туралы мәліметтерді, сондай-ақ қоймалық куәліктерді ұстаушылар мен кепіл ұстаушылар туралы мәліметтерді қамтитын ақпараттық ресурсы;
4) "қойма" - мүше мемлекеттің заңнамасына сәйкес кәсіпкерлік қызмет ретінде тауарларды сақтауды және ауыл шаруашылығы өнімін сақтау бойынша қызметтер көрсетуді жүзеге асыратын мүше мемлекеттің заңды тұлғасы;
5) "қоймалық куәлік" — ұстаушысының қоймадан осы қағазды шығару (беру) кезінде айқындалған мөлшерде және сапада ауыл шаруашылығы өнімін алу құқығын куәландыратын және кепілмен қамтамасыз етілген міндеттемелерді орындауды талап ету құқығын беретін құжаттамасыз эмиссиялық емес бағалы қағаз.
6) Осы Келісімде пайдаланылатын өзге де ұғымдар 2014 жылғы 29 мамырдағы Еуразиялық экономикалық одақ туралы шартта және Одақ шеңберіндегі халықаралық шарттарда айқындалған мағыналарда түсініледі.