Тармақ 1. Осы Келісім Одақ шеңберінде қоймалық куәліктерді шығаруға (беруге), олардың айналысына және өтелуіне байланысты құқықтық қатынастарды реттейді және қоймалық куәліктерге қойылатын талаптарды айқындайды.
Тармақ 2. Одақ шеңберінде қоймалық куәліктерді шығару (беру), олардың айналысы және өтелуі осы Келісімнің ережелері ескеріле отырып, мүше мемлекеттердің заңнамасына сәйкес жүзеге асырылады.
Тармақ 3. Қоймалық куәліктердің айналысы мүше мемлекеттің заңнамасына сәйкес биржада және (немесе) биржадан тыс нарықта жүзеге асырылады.
Тармақ 4. Қоймалық куәліктер шығарылатын (берілетін) ауыл шаруашылығы өнімінің түрлері мүше мемлекеттің заңнамасында айқындалады.
Тармақ 5. Мүше мемлекеттерде шығарылған (берілген), қоймалық куәліктер тізілімдеріне енгізілген және осы Келісімнің талаптарына сәйкес келетін қоймалық куәліктерді мүше мемлекеттер өзара таниды.