Бап 3 О ратификации Соглашения о правилах выпуска (выдачи), обращения и погашения в рамках Евразийского экономического союза складских свидетельств на сельскохозяйственную продукцию

Тармақ 1. Белгілі бір мөлшердегі және сападағы ауыл шаруашылығы өнімін сақтауға қабылдауды растау үшін орыс тілінде және мүше мемлекеттің мемлекеттік тілінде (мемлекеттік тілдерінде) (егер бұл мүше мемлекеттің заңнамасында көзделсе) ресімделген қоймалық куәлік шығарылады (беріледі).

Тармақ 2. Қоймалық куәлікте мынадай міндетті мәліметтер (деректемелер) қамтылады:

• 1) а) қоймалық куәліктің нөмірі мен шығарылған (берілген) күні;
• 2) б) ауыл шаруашылығы өнімін сақтауға қабылдаған қойманың атауы, оның тұрған жері және тұлғаны мүше мемлекеттің салық төлеушісі ретінде сәйкестендіретін нөмір;
• 3) в) заңды тұлға үшін - ауыл шаруашылығы өнімін сақтауға тапсырған қоймалық куәлікті ұстаушының атауы, оның тұрған жері, жеке тұлға үшін - тегі, аты, әкесінің аты (бар болса), тұрғылықты жері, тұлғаны мүше мемлекеттің салық төлеушісі ретінде сәйкестендіретін нөмір (бар болса);
• 4) г) сақтауға қабылданған ауыл шаруашылығы өнімінің түрі, оның сандық және сапалық сипаттамалары;
• 5) д) ауыл шаруашылығы өнімі сақтауға қабылданған мерзім, егер мұндай мерзім мүше мемлекеттің заңнамасына сәйкес белгіленсе не өнім талап етілгенге дейін сақтауға қабылданды деп көрсетілуі;
• 6) е) қоймалық куәліктерді шығара отырып (бере отырып), ауыл шаруашылығы өнімін сақтау жөніндегі қызметтер көрсетуге рұқсаттың не қойма туралы мәліметтердің қоймалық куәліктер шығаратын (беретін) мүше мемлекет қоймаларының тізіліміне (бұдан әрі - қоймалар тізілімі) енгізілгенін растайтын құжаттың деректемелері;
• 7) ж) ауыл шаруашылығы өнімдерін сақтағаны үшін сыйақы мөлшері (есептелуге негіз болған тарифтер) және осы өнімді сақтауға ақы төлеу тәртібі не сақтау жөніндегі көрсетілетін қызметтерге ақы төлеу оған дейін жүргізілген күн;
• 8) з) қоймалық куәлік бойынша міндеттемелердің орындалуын қамтамасыз ету тәртібі туралы мәліметтер.