Бап 8 О ратификации Соглашения о правилах выпуска (выдачи), обращения и погашения в рамках Евразийского экономического союза складских свидетельств на сельскохозяйственную продукцию
Мүше мемлекеттің заңнамасында белгіленген тәртіппен мүше мемлекет "Интернет" ақпараттық-телекоммуникациялық желісінде:
1) мүше мемлекеттің қоймалық куәліктер тізілімінен мәліметтерге қол жеткізудің бірыңғай нүктесін беретін интернет-ресурстың;
2) ауыл шаруашылығы өнімінің қауіпсіздігі мен сапасына сараптаманы жүзеге асыратын ұйымдар туралы мәліметтердің (атауы, тұрған жері, сондай-ақ тұлғаны мүше мемлекеттің салық төлеушісі ретінде сәйкестендіретін нөмір);
3) мүше мемлекеттегі қоймалық куәліктердің айналысын реттейтін заңнамалық және өзге де нормативтік құқықтық актілердің, қоймалық куәліктер тізілімін қалыптастыру және жүргізу тәртібінің, сондай-ақ осындай актілер жобаларының;
4) қоймалық куәліктер бойынша міндеттемелердің орындалуын қамтамасыз ету тәртібі мен шарттары туралы ақпараттың;
5) қойма мен ауыл шаруашылығы өнімінің иесі арасындағы жария сақтау шартының үлгілік нысанының;
6) қоймалық куәліктер шығара отырып (бере отырып), ауыл шаруашылығы өнімін сақтау жөніндегі қызметтер көрсетуге рұқсаттар берілген не қоймалар тізіліміне енгізілген қоймалар тізбесінің орналастырылуын қамтамасыз етеді.