Тармақ 1. Қоймалардың қоймалық куәліктер бойынша міндеттемелерді орындауын қамтамасыз ету мүше мемлекеттің заңнамасына сәйкес жүзеге асырылады және қоймалық куәліктерді ұстаушылардың құқықтары мен заңды мүдделерін қоймалардың өздері шығарған (берген) қоймалық куәліктер бойынша міндеттемелерді орындамауынан, оның ішінде мүше мемлекеттерде қоймалық куәліктер бойынша міндеттемелердің орындалуына кепілдік беру қорын (қорларын) қалыптастыру немесе қоймалардың қоймалық куәліктерді ұстаушылар алдындағы азаматтық-құқықтық жауапкершілігін сақтандыру арқылы қорғауға бағытталған ұйымдастырушылық-құқықтық шаралар кешенін көздейді.
Тармақ 2. Мүше мемлекеттерде құрылатын қоймалық куәліктер бойынша міндеттемелердің орындалуын қамтамасыз ету жүйесіне қойылатын талаптарды мүше мемлекеттердің ұсыныстары негізінде Еуразиялық экономикалық комиссияның Кеңесі айқындайды.
Тармақ 3. Мүше мемлекет өз аумағында мүше мемлекеттің заңнамасына сәйкес қоймалардың қоймалық куәліктер шығару (беру) және олардың өтелу қағидаларын, ауыл шаруашылығы өнімін сақтау қағидаларын, қауіпсіздік талаптарын және ауыл шаруашылығы өнімін сандық-сапалық есепке алуды жүргізуге қойылатын талаптарды сақтауын бақылауды қамтамасыз етеді.
Тармақ 4. Мүше мемлекет мүше мемлекеттің аумағында қоймалық куәліктері шығарылатын (берілетін) ауыл шаруашылығы өнімінің сапасына сараптама жүргізуді қамтамасыз етеді.