Тармақ 1. 2-бапты қолдану кезінде кеден органы, мүмкіндігінше, сол коммерциялық деңгейде және мәні бойынша бағаланатын тауарлармен бірдей мөлшерде сатылған бірдей тауарларды пайдаланады. Мұндай сатулар анықталмағанда мынадай үш шарттың бірі орындалған кезде жүзеге асырылатын бірдей тауарларды сату қолданылуы мүмкін:
Тармақ 2. Жоғарыда аталған үш шарттың кез келген бірі орындалған кезде жүзеге асырылатын сату анықталғаннан кейін:
Тармақ 3. "Және (немесе)" деген сөздер сатулар туралы деректерді пайдалануға және жоғарыда жазылған үш шарттың кез келгені орындалған кезде қажетті түзетулер енгізуге мүмкіндік береді.
Тармақ 4. 2-баптың мақсаттары үшін импортталатын тауарлармен бірдей тауарлармен мәміленің құны 1-бапқа сәйкес қабылданған 1 (b) және 2-тармақтарға сәйкес түзетілген кедендік құнды білдіреді.
Тармақ 5. Әртүрлі коммерциялық деңгейді немесе санының әртүрлілігін ескерген түзетудің құнның өсуіне немесе төмендеуіне алып келетініне қарамастан, оны енгізудегі шарт түзетудің ақылға қонымдылығы мен дәлдігін айқын көрсететін дәлелдердің, мысалы, әртүрлі деңгейге немесе әртүрлі санға жататын бағаларды қамтитын қолданыстағы прейскуранттың болуы болып табылады. Мысалы, егер бағаланатын импорттық тауарлар 10 бірліктен тұратын партияны құраса, ал мәміле құны бар импортталатын бірдей тауарлардың 500 бірлігі сатылып, сатушы санына қарай жеңілдіктер береді деп танылса, онда талап етілетін түзету сатушының прейскурантын пайдалану арқылы жүзеге асырылуы мүмкін, оның ішінен 10 бірлікті сатуға қолданылатын баға таңдалады. Бұл ретте, прейскурант басқа мөлшердегі сатуларға қатысты адал ниетпен жасалған жағдайда, 10 бірлік санында сату талап етілмейді. Мұндай объективті құрал болмаған кезде 2-баптың ережелеріне сәйкес кедендік құнды айқындау қолайсыз болып табылады.