Бап 17 О ратификации Соглашения о сотрудничестве государств – участников Содружества Независимых Государств в противодействии коррупции. Жәрдем көрсету туралы сұрау салу

Тармақ 1. Тараптардың құзыретті органдары сыбайлас жемқорлық қылмыстар мен құқық бұзушылықтар жасауда күдікті (айыпталушы) адамдарды, олардың тұрған жерін, сондай-ақ сыбайлас жемқорлық қылмыстар мен құқық бұзушылықтарға қатысы бар басқа да адамдардың тұрған жерін анықтау, сыбайлас жемқорлық қылмыстар мен құқық бұзушылықтар жасау нәтижесінде алынған немесе оларды жасау құралы болған мүлікті анықтау, тиісті жағдайларда зерттеулер немесе сот сараптамаларын жүргізу үшін нәрселерді немесе заттар үлгілерін беру, сондай-ақ сыбайлас жемқорлықтың профилактикасы және сыбайлас жемқорлықпен күрес жөніндегі қызметті үйлестіру мақсатында сұрау салулар жібереді және орындайды.

Тармақ 2. Сұрау салуда:

• 1) а) сұрау салушы және сұрау салынатын Тараптардың құзыретті органдарының атаулары;
• 2) б) сұрау салудың нысанасы мен негіздемесі;
• 3) в) істің мәні;
• 4) г) тиісті нормативтік құқықтық актілердің мәтіндері, сондай-ақ сұрау салынатын немесе осыған ұқсас нәтижелерге әкелетін кез келген басқа шара сұрау салушы Тараптың аумағында оның заңнамасына сәйкес қабылдануы мүмкін екендігі туралы мәлімдеме;
• 5) д) қажет болған жағдайда және мүмкіндігіне қарай:
• 6) адам туралы ақпарат (тегі, аты, әкесінің аты (бар болса), туған жері мен күні, азаматтығы, тұрғылықты жері мен болатын жерінің мекенжайы, жеке түлғаның жеке басын куәландыратын құжаттың деректемелері, ұйымның ресми атауы мен тұрған жерінің мекенжайы, оның мемлекеттік тіркеу нөмірі және тіркелген жері);
• 7) мүлкі немесе кірістері туралы ақпарат (олардың тұрған жері, тиісті адаммен немесе адамдармен және құқық бұзушылықпен байланысы, сондай-ақ осы мүлікке немесе кірістерге басқа да адамдардың құқықтары туралы қолда бар кез келген мәліметтер) қамтылады.

Тармақ 3. Сұрау салу жазбаша формада жіберіледі.

Тармақ 4. Сұрау салу сұрау салушы Тараптың құзыретті органының ресми бланкісінде жасалады, оған органның басшысы немесе оны алмастыратын адам қол қояды және, егер құзыретті органдар өзгеше уағдаласпаса, осы органның елтаңбалы мөрімен куәландырылады.