Тармақ 1. Сұрау салынатын Тараптың құзыретті органы сұрау салудың толық және сапалы орындалуын қамтамасыз ету үшін қажетті барлық шараларды қабылдайды. Сұрау салу, әдетте, оны алған күннен бастап 30 тәуліктен аспайтын мерзімде орындалады.
Тармақ 2. Сұрау салушы Тараптың құзыретті органының өтініші бойынша сұрау салуды орындау кезінде, егер бүл сұрау салынатын Тараптың заңнамасы мен халықаралық міндеттемелеріне қайшы келмесе, осы Тараптың заңнамасы қолданылуы мүмкін.
Тармақ 3. Сұрау салынатын Тараптың құзыретті органы, егер сұрау салуда көрсетілген мәліметтер оны орындау үшін жеткіліксіз болса, сұрау салуды тиісінше орындау үшін қажетті қосымша мәліметтерді сұратуға құқылы.
Тармақ 4. Сұрау салушы Тараптың құзыретті органы сұрау салуды орындауға кедергі келтіретін немесе кідіртетін мән-жайлар туралы дереу хабардар етіледі.
Тармақ 5. Құпия ақпаратты беру туралы шешім сұрау салынатын Тараптың заңнамасына сәйкес қабылданады.
Тармақ 6. Егер сұрау салуды орындау сұрау салынатын Тараптың құзыретті органы жүзеге асыратын жедел-іздестіру іс-шараларын жүргізуге, сотқа дейінгі іс жүргізуге немесе сот талқылауына нұқсан келтіруі мүмкін болса, сұрау салынатын Тараптың құзыретті органы сұрау салуды орындауды кейінге қалдыра алады не сұрау салушы Тараптың құзыретті органымен уағдаластық бойынша сұрау салуды ішінара немесе сақталуын ол қажет деп таныған жағдайда орындай алады.
Тармақ 7. Егер сұрау салуды орындау сұрау салуды алған органның құзыретіне кірмесе, онда осы орган оны сұрау салынатын Тараптың тиісті құзыретті органына береді және бүл туралы сұрау салушы Тараптың құзыретті органын хабардар етеді.