Бап 22 О фондах целевого капитала и эндаумент-фондах (целевых капиталах). Эндаумент-қорды (нысаналы капиталды) қалыптастыру және (немесе) толықтыру үшін ақша жинау
Тармақ 1. Нысаналы капитал қоры эндаумент-қорды (нысаналы капиталды) қалыптастыру және (немесе) толықтыру үшін ақша жинау туралы хабарлауға құқылы.
Тармақ 2. Ақша жинау нысаналы салым шартының үлгілік нысаны негізінде немесе ерікті қайырмалдықтарды тарта отырып жүзеге асырылады.
Тармақ 3. Нысаналы капитал қоры ақша жинау процесінің айқындылығын сақтауға, жиналған ақша сомасы, олардың көздері мен пайдаланылуы туралы ақпаратқа қолжетімділікті қамтамасыз етуге міндетті.
Тармақ 4. Ақша жинау кезінде ерікті қайырмалдықтар беретін тұлғалар қайырмалдық шартының талаптарын қамтитын ұсынысты оған қосылу жолымен қабылдайды.
Тармақ 5. Ерікті қайырмалдықтар нысаналы капитал қорының банктік шоттарына ақша аудару арқылы жүзеге асырылады.
Тармақ 6. Эндаумент-қорды (нысаналы капиталды) қалыптастыру және (немесе) толықтыру үшін ақша жинау әрбір салымшымен жеке нысаналы салым шартының үлгілік нысанын жасасу негізінде жүзеге асырылады.
Тармақ 7. Ақша жинаған жағдайда нысаналы капитал қоры кез келген мүдделі тұлғалардың мынадай ақпарат пен құжаттарға:
1) нысаналы капитал қорының жарғысына және заңды тұлғаны мемлекеттік тіркеу (қайта тіркеу) туралы анықтамаға;
2) тұрақты жұмыс істейтін атқарушы органның мекенжайы (орналасқан жері) туралы мәліметтерге;
6) қамқоршылық кеңестің сандық және дербес құрамы туралы мәліметтерге;
7) тұрақты жұмыс істейтін атқарушы органының атауы, мекенжайы (орналасқан жері) көрсетілген басқарушы компания (фидуциарий) туралы мәліметтерге;
8) нысаналы капитал қорының әкімшілік-басқару шығыстарының шамасы, осы Заңға сәйкес инвестициялық кіріс есебінен қаржыландырылатын көрсетілген шығыстардың үлесі туралы ақпаратқа;
9) соңғы қаржы жылындағы жылдық қаржылық және аудиторлық есептерге еркін қол жеткізуін қамтамасыз етуге міндетті.
Тармақ 8. Эндаумент-қорды (нысаналы капиталды) қалыптастыру және (немесе) толықтыру үшін ақша жинаған жағдайда, нысаналы капитал қоры осы баптың 7-тармағының 4), 5), 8) және 9) тармақшаларында көрсетілген құжаттар бекітілгеннен және ақпарат қалыптастырылғаннан кейін көрсетілген ақпарат пен құжаттарға еркін қол жеткізуді қамтамасыз етеді.
Тармақ 9. Осы баптың 7-тармағында көзделген ақпарат пен құжаттарды нысаналы капитал қоры өзінің ресми интернет-ресурсында мынадай мерзімдерде:
1) қалыптастырылған эндаумент-қорды (нысаналы капиталды) толықтыру үшін ақша жинау туралы хабарландыру кезінде – ақша жинау туралы хабарландырумен бір мезгілде;
2) эндаумент-қорды (нысаналы капиталды) қалыптастыру үшін ақша жинау туралы хабарландыру кезінде – ақша жинау туралы хабарландырумен бір мезгілде (осы баптың 7-тармағының 4), 5), 8) және 9) тармақшаларында көрсетілген және осы тармақтың 3) тармақшасына сәйкес орналастырылатын ақпарат пен құжаттарды қоспағанда);
3) көрсетілген құжаттарды немесе оларға енгізілген өзгерістерді бекіту не көрсетілген ақпаратты ақша жинау туралы хабарландырудан кейін қалыптастыру немесе өзгерту кезінде – тиісті құжат бекітілген күннен кейін немесе тиісті ақпарат қалыптастырылған немесе өзгертілген күннен кейін күнтізбелік үш күннен кешіктірмей орналастырады.