Тармақ 1. Тараптар қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беруді ҚБББК-нің үйлестіруімен бірлесіп жүзеге асырады.
Тармақ 2. Қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру тәртібі мен шарттары ҚБББК шешімімен бекітілетін қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру әдіснамасында айқындалады.
Тармақ 3. Қылмыстық жолмен алынған кірістерді зандастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру Тараптардың қаржылық барлау бөлімшелері ҚБХО ақпараттық жүйесінде орналастырған деректер пайдаланыла отырып жүргізіледі.
Тармақ 4. Қылмыстық жолмен алынған кірістерді зандастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру мақсаттары үшін пайдаланылатын ақпарат, егер оны ұсынған Тарап жазбаша нысанда керісінше мәлімдеме жасамаса, осы Келісімге сәйкес құпия болып табылады.
Тармақ 5. ҚБББК қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру нәтижелерін бекітеді, Тараптармен келісу бойынша олардың құпиялылық дәрежесін айқындайды. ҚБББК шешімдерін ескере отырып, Тараптардың қаржылық барлау бөлімшелері қылмыстық жолмен алынған кірістерді заңдастыру (жылыстату) және терроризмді қаржыландыру қауіп-қатеріне ұлттық баға беруден жоғары болатын баға беру нәтижелерін алушылар тобын және ұсыну тәртібін дербес айқындайды.